اوتگن کون (پنج‌شنبه، ۱۷-جوزا)، «هدف» خیریه جمغرمه‌سی آرقه‌لی ۲۳۰ سرپرست‌سیز باله گه هییت ییتیب کیلیشی اوچون یاردم ترقه‌تیلگن.
اوشبو خیریه جمغرمه‌سی مسئوللری نینگ ایتیشلریچه، تکه، بوت، قرس و جوراب بیلن کییم‌لر نینگ تیکیلیش پولی‌دن عبارت بولگن بو یاردم‌لر، مذکور ولایت محلی مسئوللر نینگ حضوری بیلن دولتی ییتیم‌خانه‌ده حیات کیچیره‌دیگن باله‌لرگه ترقه‌تیلگن.
بیزلرنینگ فیسبوک صحیفه‌میزگه باش اورینگ!
هدف خیریه جمغرمه‌سی نماینده‌سی عبدالودود جمیلی نینگ ایتیشیچه: «۱۶۵ اوغیل باله و ۷۰ قیز باله گه، تکه، بوت، قرس، جوراب ترقه‌‌تیلیب و شونینگدیک کییم‌لر نینگ تیکیلیش پولی نی هم توللنگن‌میز و بو هییت اوچون بیریلگن یاردم‌لر دیر که سرپرست‌سیز قیز و اوغیل باله‌لر هییت ده ینگی کییم کییش‌لری اوچون بیریلگن.»
باشقه بیر تاماندن، بو یاردم‌لردن فایده‌لنگن باله‌لر مذکور خیریه جمغرمه مسئوللریدن خورسند‌لیک قیلیب و کوپراق یاردم ترقه‌تیلیشی نی ایسته‌گنلر.
مذکور باله‌لردن بیری عبدالمجید نینگ ایتیشیچه: آته‌م شهید بولگن و عایله اقتصادی‌میز یخشی ایمس. شهر و بازارلرده چیقیندیلر ایچیدن نرسه توپله‌ر ایدیم. ییتیم‌خانه گه کیلگنیم‌دن بیری جوده‌یم خورسند‌مین و حاضر درس اوقیمن، صرف و خره‌جتیم بیریله‌دی. هدف جمغرمه‌سیدن هم قدردانلیک قیله‌من. جوده‌یم خورسند‌مین که هییت اوچون یاردم بیریلدی که هییت‌ده باشقه باله‌لر کبی ینگی کییم کیسه‌ک.»
غور ایش و اجتماعی ایشلر ریاستی مسئوللری اوشبو ولایت‌ده‌گی سرپرست‌سیز باله‌لردن حمایت قیلیش اوچون هدف خیریه جمغرمه‌سی نینگ دایمی همکارلیک‌لریدن منت‌دارلیک قیلیب و بو جمغرمه یاردم‌لری فایده‌لیگی گه تاکید قیلگن.
بیزلرنینگ «ایکس» ترماغی ده هم تعقیب قیلینگ!
غور ایش و اجتماعی ایشلر ریاستی سرپرستی محمدیاسین شهید‌زاده نینگ ایتیشیچه، مذکور ولایت دولتی ییتیم‌خانه‌سیده قیز و اوغیل شامل ۲۵۰ باله حیات کیچیره‌دی و اولر نینگ برچه صرف-خره‌جتی اسلام امیرلیگی آرقه‌لی توللنه‌دی.
ایتیلیشچه، مذکور ییتیم‌خانه‌ده‌گی سرپرست‌سیز باله‌لر گه دینی و زمانه‌وی علملر تعلیمی هم بیریله‌دی.
