غور ده‌گی محلی منبع‌لر نینگ سلام‌وطندار گه ایتیشلریچه، نیچه کون آلدین اوشبو ولایت نینگ دولینه تومنی «سیرزار» قیشلاغیده «سلیمه» اسملی بیر عیال «سراج‌الدین» اسملی بیر ایرکک بیلن قاچگن ایدی، خودکش‌لیک قیلگن.
منبع گه کوره، سلیمه اوتگن کیچه (چهارشنبه، ۲۰ میزان) غور خوفسیزلیک مسئوللری، کفالت بیلن اونی عایله‌سیگه تاپشیرگندن کیین، خودکش‌لیک قیلگن.
منبع نینگ کوپه‌یتیریشیچه، ایکی کیچه آلدین سراج‌الدین اسلامی امارت قماقخانه‌سیدن قاچیش چاغیده اوققه توتیلیب اولدیریلگن.
بیزلرنینگ فیسبوک صحیفه‌میزگه باش اورینگ!
عین‌حالده، غور امنیه قوماندان‌لیگی سوزلاوچیسی عبدالرحمان بدری نینگ سلام‌وطندار گه ایتیشیچه، اوتگن هفته دولینه تومنی مسئوللری، بیر ایرکک و بیر عیال نی اوی دن قاچیش عیبی بیلن قولگه آلگن ایدیلر که عیاللر اوچون مخصوص قماقخانه یوق‌لیگی باعث، اوتگن کون شام چاغی اونی کفالت بیلن عایله‌سیگه تاپشیرگن ایدیلر.
جناب بدری گه کوره، مذکور عیال عایله‌سیگه تاپشیریلیشیدن کیین خودکش‌لیک قیلگن، اوشبو واقعه گه دایر، او نینگ ایناغه‌سی قولگه آلینیب و تیرگاو بولماقده دیر.
مسئوللر نینگ ایتیشلریچه، سلیمه و سراج‌الدین اوی‌لی دیر.
ایتیش کیره‌ک که، اوتگن بیر ییل ده عیاللر آره‌سیده خودکش‌لیک میزانی کوپه‌یگن.
بیزلرنینگ توییترده هم تعقیب قیلینگ!
عایله‌وی زوروانلیک، اجتماعی چیکلاولر، قشاق‌لیک و روحی کسل‌لیکلر، افغانستان بویلب عیاللر نینگ خودکش‌لیک قیلیش یگانه عاملی دییلگن.