غور ولایتی‌ده قشاقلیک و کمبغل‌لیک، مذکور ولایت‌ده‌گی باله‌لردن کوپ قطاری نینگ مکتب گه باره آلمه‌ی، ایش قیلیشلری گه سبب بولگن عامل‌لردن دیر.
غور ولایتی فیروزکوه شهری نینگ سرک‌لریده ایشچی باله‌لردن قطاری نینگ ایتیشلریچه، اولر عایله خره‌جتلرینی تامین‌لش اوچون، ایش قیلیش گه مجبورلر.
شونده‌ی بیرحالده، مذکور ایشچی باله‌لر دولت و یاردم بیرووچی نهاد‌لردن، اولر گه تعلیم زمینهسی یره‌تیلیشی نی ایسته‌یدیلر.
بیزلرنینگ توییترده هم تعقیب قیلینگ!
ایشچی باله‌لردن سیف‌الله، مکتب گه باریب درس اوقیش نی ایسته‌یدی، بیراق عایله خره‌جتی نی تامین‌لش اوچون، ایرتنگ‌دن آخشم‌گچه ایشلش گه مجبور دیر. «بو ییر گه کیلیب تیمیر و کارتن نی توپله‌یمیز. اون افغانی بوله‌دی و او بیلن اوی گه نان آلیب باره‌من. ایش قیلیش اوچون مکتب گه بارمه‌یمن، لیکن مکتب گه باریشنی ایسته‌یمن. چیقیندیلر نی توپلش ایستمه‌یمن.»
شونینگدیک ایشچی باله‌لردن فیروز نینگ سلام‌وطندار گه ایتیشیچه: «کونده سرک‌لر گه باریب چیقیندیلر آره‌سیدن نرسه توپله‌یمن. درس اوقیشنی ایسته‌یمن، دولت‌دن بیزلر گه یاردم بیریلیشینی ایسته‌یمن.»
عین حالده، ایش بیلرمان‌لردن قطاری باله‌لر نینگ ایش قیلیشی گه قرشی‌‌لیک کورستیب ایتیشلریچه، باله‌لر درست تعلیم آلیشلری اوچون باله‌لیک دوریده، تعلیم و اویین بیلن شغللنیشلری کیره‌ک.
تعلیم و تربیه بیلرمان‌لریدن غلام‌‌نبی ساقی، مسئوللر تامانیدن ایشچی باله‌لر گه یاردم بیریلیب و اولر نینگ تعلیم‌لری اوچون برنامه‌لر نینگ یولگه قوییلیشی نی ایسته‌ب سلام‌وطندار گه ایتیشیچه: «باله‌لر باله‌لیک دوریده درس اوقیب و اویین اوینه‌یشی کیره‌ک. باله‌لر نینگ قشاق‌لیک‌دن قوتقریلیشلری اوچون اولر نینگ باش‌پناه‌لری، حیاتلری و شونینگدیک تعلیم‌لری اوچون برنانه‌لری بولیشی کیره‌ک. موسسه‌لر بو توغریده توجه قیلسینلر و شو رقم تعلیمی نهادلر و خصوصی مکتب‌لر هم اولردن حمایت قیلیب و یاردم بیریشلری کیره‌ک.»
شونده‌ی بیرحالده، غور محلی مسئوللری نینگ ایتیشلریچه، اولر دولتی و نادولتی نهادلر هماهنگ‌لیگی‌ده، جاری ییل نینگ باشلنگنی‌دن حاضرگچه، ایشلاوچی اونلب باله نی تانیب و اولر نینگ استعداد‌لری گه قره‌ب، ایش و مسلک اورگنیش نهادلر گه تانیتگنلر. اولر نینگ کوپه‌یتیریشلریچه، مذکور باله‌لردن کوپ قطاری ایش اجتماعی ایشلر ریاستی نینگ مهربان‌لیک اویی و قیزیل آی نینگ تعلیمی مرکزلری گه آلینگنلر.
بیزلرنینگ فیسبوک صحیفه‌میزگه باش اورینگ!
غور ایش و اجتماعی ایشلر ریاستی نصرالله انصار نینگ ایتیشیچه: «۱۴۰۲-ییل‌ده کمیته تشکیل بولیب و ایشچی باله‌لردن قطاری نی تانیب و اولردن قطاری گه ایش بیریلگن و قیزیل آی جمعیتی گه تاپشیریلگن. شونینگدیک مذکور باله‌لردن قطاری ایش و اجتماعی ایشلر ریاستی نینگ مهربان‌لیک اویی‌گه آلینگن که، ان‌شاءالله تیزلیککه هیچ بیر باله نینگ سرک‌لر و بازارلرده کورمه‌یمیز.»
گرچند غور ولایتی فیروزکوه شهری‌ده ایشچی باله‌لر نینگ حضوری ینگی بیر موضوع ایمس، بیراق اوتگن بیر ییل ایچیده اوشبو باله‌لر سانی نینگ کوپه‌یشی، یشاوچیلر و ایش بیلرمان‌لر نینگ خواطری گه سبب بولگن.
