غزنی شهری افغانستاننینگ جنوبشرقیدهگی مهم و گوجوم سودا مرکزلریدن بیری دیر. بو شهر نه فقط اوشبو ولایتنینگ ۱۸ تومنی اهالیسی، بلکیم میدانوردک، پکتیا و پکتیکا تومنلریدن قطارینینگ اهالیسی هم کیرهکلی توارلرینی بو ییردن ساتیب آلهدیلر، بیراق دکاندارلر آرقهلی پیاده یوللردن بیر قسمینینگ ایگهلب آلینگنی، پیاده یوریش چاغیده یشاوچیلرنینگ قیینچیلیک بیلن روپهره بولیشیگه سبب بولگن.
غزنی یشاوچیلریگه کوره، شهرنینگ بیر قطار بولیملریده دکاندارلر توارلرینی پیاده یوللر گه تیرهدیلر که بو ایش سبب، یشاوچیلر پیاده یوریش چاغیده سرکلردن فایدهلنهدیلر.
بیزلرنینگ «ایکس» ترماغی ده هم تعقیب قیلینگ!
بو توغریده غزنی یشاوچیلریدن بشیرنینگ ایتیشیچه: «ترافیکی قیینچیلیکلرگه سبب بولهدیگن اصلی قیینچیلیکلردن بیری ایسه اوشبو پیاده یوللرنینگ بند بولیشی دیر که دکاندارلر توارلرینی پیاده یوللرگه تیرهدیلر. عیاللر، بالهلر و کیکسهلر پیاده یوللر بندلیگی سبب سرکدن یوریشگه مجبور بولهدیلر که انه شوو سبب، غزنی ولایتیده ترافیکی حادثهلر کوپهیگن.»
شونینگدیک غزنی یشاوچیلریدن باشقه بیری شعیبنینگ ایتیشیچه: «غزنی ولایتیده دکاندارلردن بیر قطاری توارلرنی دکاندن تشقریگه قوییب و پیاده یولرگه تیرهدیلر که بو شهرنینگ نظمسیزلیگی و ترافیکی حادثهلرگه سبب بولهدی. مسئوللردن بو توغریده بیران اقدام قیلیشلرینی ایستهیمیز که بو قیینچیلیک حل بولسین.»
غزنی یشاوچیلریدن بیرقطاری، دکاندارلر تامانیدن پیاده یوللر توسیلیشی، شهر ایچیده باریب-کیلیش اوچون اوقووچیلر و عیاللرنی قیینچیلیک بیلن دوچ قیلگنینی ایتهدیلر.
غزنی یشاوچیلریدن باشقه بیری عبدالرحیمنینگ ایتیشیچه: «شاهمیر صاحب کوچهسی و ینه تجارتی بیر ساحه بار که دکاندارلر او ییرلرده توارلرینی پیاده یوللرگه چیقرگنلر. بیزلر بو ایشنینگ آلدی آلینیشینی ایستهیمیز و غزنی بلدیهسی آرقهلی بیران چاره-تدبیر کوریلسه.»
بیزلرنینگ فیسبوک صحیفهمیزگه باش اورینگ!
غزنیده اجتماعی فعاللردن بیرقطاری، پیاده یوللر تازهلنیشی اوچون بلدیهدن بوتوغریده آگاهیلیک بیریلیشی و دکاندارلر گه باسیم کیلتیریلیشینی سورهیدیلر.
غزنی اجتماعی فعاللریدن الفت هاشمی گه کوره: «باشده عامه آگاهیلیک بیریلسه، ایکینچیده ایسه پیاده یوللر یاپیلگنیده جدی یاندهشیلیشی کیرهک و حتا دکانلرنینگ یاپیلیشی و جریمه بولیشی کیرهک و اولرنینگ فکری بولسین که بو مسئله قنچه مهم و اهالینینگ پیاده یوللردن فایدهلینشگه حقی بار که عکسینچه حالده، پیاده یوللر بند بولیب و گوجوملیککه سبب بولهدی و حتا بعضا ایسه ترافیکی حادثهلرگه سبب بولهدی.»
غزنی بلدیه سوزلاوچیسی عبدالولی جلالزی سلاموطندار بیلن اوتکزگن صحبتیده، بو اداره غزنی شهرینینگ تورلی حدودلریده، پیاده یوللرنی تجاری فایدهلنیشدن تازهلگن، بیراق شهر بویلب ترتیب آلیب کیلیش گه سعی-حرکت قیلماقدهلیکلرینی بیلدیرهدی. «شهر گه نظم کیلیشی اوچون تورلیخیل ایشلر عملگه آشیریلگن و اولردن بیری ایسه، شهر بولیب کراچیلرنینگ منظملنیشی دیر. بو جریان شهرنینگ تورلی بولیملریده دوام قیلماقده. دکاندارلر آرقهلی پیاده یوللرنینگ بند بولیشی آلدی هم آلیندی. برچه یشاوچیلردن بلدیه ریاستی بیلن همکارلیک قیلیشلری و پیاده یوللرنینگ ناقانونی شکلده فایدهلنمسلیکلرینی ایستهیمن.»
پیاده یوللرنینگ فقط پیاده یوریش اوچون اجرهتیش شهرده ترتیب آلیب کیلیش اوچون ضروری دیر؛ بیراق بونینگ عملگه آشیریلیشی اوچون شهر حاکمیتی جدی یاندهشیب و یشاوچیلرنینگ همکارلیک قیلیشی کېرهک که، بیر تاماندن پیاده یوللر تازهلنسین و باشقه تاماندن یشاوچیلرنینگ عمومی یوللرده یوریشی آلدی آلینسین.
