غزنی یشاوچیلریدن بعضیلری، اوشبو ولایتده ایریم مسلکسیز کیشیلر تیش شفاکاری صفتیده کلینیکلرده ایشلهماقدهلیگینی ایتهدیلر.
اولر گه کوره، بو کلینیکلردن نظارت قیلینمسلیگی، یشاوچیلرنینگ شفاکارلر گه نسبتن ایشانچسیز بولیشیگه سبب بولگن و بو کلینیکلرنینگ کوپینچهسیده ایشانچلی تعلیم مدرکی بولمهگن یا کی هنوزگچه بو یونهلیشنی بیتتیرمهگن کیشیلر ایشلهیدی.
غزنی یشاوچیلریدن سیدرحمتالله شوندهی دییدی: «غزنی مرکزیده تیش کلینیکلریده ایشلهیدیگنلرنینگ کوپینچهسی تجربهسیز یا کی بو یونهلیشنی هنوزگچه بیتتیرمهگنلر دیر، بوندهی ایش کسللرنینگ ایریم قیینیچلیک بیلن دچار قیلگن.»
غزنی یشاوچیلرینینگ ایتیشیچه، تیش کلینیکلریده مسلکسیز کیشیلر ایش آلیب باریشی کسللرنی ایریم قیینچیلیک بیلن دچار قیلهدی.
غزنی یشاوچیلریدن محمدصادق گه کوره: «سونگی کونلرده غزنی ولایتیده تیش کلینیکلری کسللر گه اونچهلیک دقت قیلمهیدی و او ییرده کوپراق ایش اورگنهدیگنلر دیر. بوتوغریده دقت قیلینسین و مسلکی کیشیلر ایشلهسین.»
غزنی یشاوچیلریدن باشقه بیری نعیم شوندهی دییدی: «شفاکارلر و تیش کلینیکلریده، شاگردلر بار و عملی ایشلرنی کوپراق شاگردلر قیلهدی، اولرنینگ برچهسی بیلیم یورتلردهگی طلبهلر دیر.»
غزنی شهری یشاوچیلری مسئول نهادلردن، طبی مرکزلرده مسلکسیز کیشیلر ایشلشی گه ایزین بیریلمسلیگینی سورهیدیلر.
شو بیلن بیرگه، غزنی طبی کینگشیده تیش شفاکارلری بولیمی مسئوللرینینگ ایتیشیچه، غزنی ولایتیده دییرلی ۴۰۰ تیش کلینیکی رویخط گه آلینگن و ۱۰۰ دن آرتیق تیش شفاکارینینگ ایشانچلی تعلیمی مدرکی بار و قالگن کلینیک مسئوللرینینگ ایشانچلی تعلیمی حجتی یوق یا کی ایشلش رخصتینی آلمسدن ایشلهیدیلر.
غزنی طبی کینگشی اعضالریدن حکمتالله امید، بو ولایت تیش کلینیکلریده مسلکسیز کیشیلرنینگ ایشلشی، غزنی استوماتولوک و مسلکی آدرسی گه ضرر ییتکزگن. او، مذکور ولایتده جوازسیز کلینیکلر مهرولاک بولیشینی سورهیدی.
بوتوغریده غزنی ساغلیقنی سقلش ریاستینینگ فکر-ملاحظهسینی اورگهنیشنی ایستهدیک؛ بیراق کیتمه-کیت قونغیراقلر و مراجعتلر بیلن بو ریاست مسئوللری جواب قیتریش گه تیار بولمهدیلر.
