غزنی یشاوچیلری نینگ ایتیشلریچه، ییگولیک آزیق آوقات و یاقیلغی ماده نینگ بهاسی یوقاری کیتگنی‌گه علاوه، دارو – دوا نرخی کوتاریلگنی اولر نینگ خواطریگه سبب بولگن.
شونینگدیک غزنی یشاوچیلری گه کوره، اوتگن بیر آیده داور- دوا نرخی اوشبو ولایت‌ده ایکی الی اوچ برابر کوتاریلگن دیر.
غزنی ولایت یشاوچیلری نینگ ایتیشلریچه، اوشبو ولایت‌ده فقر و ایش سیزلیک، نرخی یوقاری کیتگنی‌گه علاوه، دارو- دوا نرخی نینگ کوتاریلگنی کسل و کسلدارلرنینگ دردینی کوپه‌یتیرگن.
بیزلرنینگ فیسبوک صحیفه‌میزگه باش اورینگ!
غزنی یشاوچیلریدن عبدالغفار نینگ سلام‌وطندارگه ایتیشیچه، بیرقطار تابلیت‌لر و دوا- دارولر نینگ نرخی ایکی الی اوچ برابر کوتاریلگن دیر.
شونینگدیک غزنی یشاوچیلریدن باشقه بیری حمیدالله گه کوره: «بیزاوتمیش‌لرده بیرتخته ریلیف نی ۵ الی ۸ افغانی آلرایدیک بیراق، حاضرنرخی ۲۰ افغانی بولگن، بیر تخته کف‌کول نی۲۰ افغانی آلرایدیک حاضر نرخی ۵۰ افغانی گه کوتاریلگن دیر.»
غزنی یشاوچیلری اسلامی امارت‌دن دوا – دارو نینگ نرخی و کیفیتی‌نی اوشبو ولایت نینگ خصوصی کسلخانه‌لری شامل برچه ییرلرگه کوزه‌تیش‌لرینی سوره‌یدی.
غزنی خصوصی دارو خانه‌لر مسئوللرنینگ ایتیشلریچه، دارو دوا نرخی اوتمیش‌لرگه قره‌گنده نیچه برابر کوتاریلگن دیر دارو سوداگرلری دارو- دوا نینگ بهاسی یوقاری کیتگنی گه سوداگرلیک بندرلرگه سالیق و باج خانه‌لرگه تعرفه نرخی اسلامی امارت تامانی دن کوتاریلگن نی دلیل عنوان قیله‌دیلر.
شونده‌ی بیرحالده، غزنی ولایت ساغلیق‌نی سقلش مسئوللری نینگ ایتیشلریچه اوشبو ولایت‌ده دوا – دارو نرخی نینگ کنترول قیلیش قیین دیر.
غزنی ولایتی ساغلیق نی سقلش ریاست مسئولی مولوی مصباح نینگ ایتیشیچه، بازارلرده دوا – دارو کمپنی‌لری تورلی بولگنی سبب دوا و طبی اوسکونه‌لر نرخی نی کوزه‌تیش قیین دیر؛ بیراق غزنی ولایتی ساغلیق ریاستی نینگ کوزه‌توچی تیم‌لری غزنی ولایتی‌ده دوا – دارو نینگ نرخی و کیفیتی نی کوزه‌تیش اوچون سعی و حرکت قیله‌دیلر.
بیزلرنینگ توییترده هم تعقیب قیلینگ!
افغانستان دوا – دارو ساحه‌سیده باشقه مملکت‌لرگه باغلیق بیر مملکت دیر و احتیاح سیزیلگن پیتده کوپینچه دوا لرنی دنیا نینگ پاکستان، ایران، ترکیه، و هند کبی بیرقطار آسیالیک و اروپالیک مملکت‌لریدن وارد قیله‌دی.
انه‌شو سبب، دوا- دارو نینگ کیفیتی و نرخی ساغلیق‌نی سقلش مرکزلر و دارو خانه‌لرگه فرقلی دیر و شونینگدیک شفاکارلر و اهالی نینگ خواطرلریگه سبب بولگن دیر.