جمهوررئیس محمداشرف غنی نینگ ایتیشیچه، افغانستانلیکلرارا سوزلشوولرنینگ افغانستان ده دوام ایتیشی نی افضل کوره‌من. جمهوررئیس بوگون (دوشنبه ۲۴- قوس) توشدن آلدین جمهوررئیس‌لیک سرایی ده یولگه قوییلگن دولت هیأتی نینگ ییغینیده، بونده‌ی بیانات بیرگن.
جمهوررئیس سوزلاوچیسی صدیق صدیقی بیر توییت یازیب ایتیشیچه، جمهوررئیس محمداشرف غنی دولت هیأتی نینگ بوگونگی ییغینده ایتیشیچه: «تینچلیک سوزلشوولری نینگ ایکینچی دوری افغانستان ده یولگه قوییلیشی خصوصیده، افغانستان ملی خوفسیزلیک مصلحتچیسی نینگ بیاتانی نی تصدیقله‌یمن.»
محمداشرف غنی دولت هیأتی نینگ بوگونگی ییغینده ایتیشیچه، طالبان افغانستان توپراغی گه بولگن‌لرینی ادعا قیلگن حالده؛ نیگه افغانستان ده مذاکره قیلمه‌یدیلر؟
اونینگ ایتیشیچه، طالبان افغانستان نینگ هر بیر ییری نی ایسته‌گن بیرحالده، افغانستان دولتی اولر بیلن سوزلش گه تیار دیر. جمهوررئیس گه کوره، افغانستان اهالیسی خیمه گه هم حیات کیچیره آله‌دیلر، ساوققه هم.
جناب غنی نینگ اورغولشیچه، شیک هوتل‌لرنینگ شرط قوییلیشی نی وقتی ایمس دیر.
شونینگدیک بوندن آلدین افغانستان ملی خوفسیزلیک مصلحتچیسی حمدالله محب، طالبان گروهی گه شونگه اوخشه‌گن بیر تکلیف بیرگن ایدی؛ بیراق طالبان گروهی بو حقده فکر بیلدیرمه‌گن.