حاضر دوحه و برلین ده جایلشگن، کابل ده آلمان ایلچی‌خانه‌سی نینگ اعلام قیلیشیچه، اوشبو مملکت افغانستان و مذکور مملکت نینگ قوشنی اولکه‌لری گه یاردم بیریش اوچون بیرلشگن ملت‌لر تشکیلاتی نینگ خلق‌ارا آزیق_آوقت دستوری گه ۶۰ میلیون یورو بیره‌دی.
بیزلرنینگ فیسبوک صحیفه‌میزگه باش اورینگ!
اوشبو ایلچیخانه، پنج‌شنبه کیچه، ۹-قوس، اوز ایکس صحیفه‌سیده یازیشیچه، بو مقدار پول، هرات ده زلزله باعث زیان کورگنلر و پاکستان دن جبردن چیقریلگنلرنی قوللب_قوتلش اوچون اختصاص بیریلگن.
ایتیش کیره‌ک، ۱۰ کون آلدین افغانستان ده بیرلشگن ملت‌لر تشکیلاتی نینگ انسان پرورلیک یاردم‌لرنی هماهنگ قیلووچی دفتری (اوچا)، جرمنی افغانستان نینگ انسان پرورلیک صندیغی گه بیش میلیون یورو یاردم بیرگنینی ایتگن ایدی.
بیزلرنینگ «ایکس» ترماغی ده هم تعقیب قیلینگ!
عین‌حالده، حاضر افغانستان ده یاردم بیرووچی عملیاتی بودجه آزلیگی بیلن روپه‌ره بولیب، هرات ده‌گی سونگی قانلی زلزله‌لر یوز بیریشی و پاکستان دولتی تامانیدن افغانستان‌لیک قاچقین‌لر جبردن چیقریلیشی بیلن، افغانستان ده بشری وضعیت کیسکین‌لشگن.
