۳۰۰ اورین‌لی غزنی حوزه‌وی کسلخانهسی گه نه فقط غزنی یشاوچیلری بلکه قوشنی ولایتلرده‌گی کسللر هم مراجعت قیله‌دیلر. غزنی حوزه‌وی کسلخانهسی نینگ اصلی بناسی ایشی یریم قالگن و تورت ییل‌دن بویان ساغلیقنی سقلش خادم‌لری هر کونی یوزلب کسل نی اوشبو کسل‌خانه نینگ فرعی بنا‌لریده دواله‌یدیلر.
بو بیلن بیرگه غزنی ساغلیقنی سقلش ریاستی مسئوللری نینگ ایتیشلریچه، اوشبو ولایت نینگ حوزه‌وی کسل‌خانه‌سیده فیس آلیش پروسه‌سی باشلنگن و غزنی حوزه‌وی کسلخانهسی مسئوللری نینگ ایتیشلریچه، ساغلیقنی سقلش وزیرلیگی بویروغی اساسیده کسل‌لردن فیس آله‌دیلر.
غزنی حوزه‌وی کسلخانهسی گه باله‌سی نی درمان‌لش اوچون کیلتیرگن میدان‌وردک یشاوچیسی بولمیش نوررحمان نینگ سلام‌وطندار گه ایتیشیچه، سونگی کون‌لر اوشبو کسل‌خانه نینگ هر بولیمی گه مراجعت قیلیش اوچون، بیرینچی‌ده فیس توللشلری کیره‌ک.
بیزلرنینگ «ایکس» ترماغی ده هم تعقیب قیلینگ!
غزنی حوزه‌وی کسلخانهسی گه مراجعت قیلگنلردن عادله و بلال نینگ ایتیشلریچه، دولتی کسل‌خانه‌لرده فیس آلیش، اهالی حقی گه جفا دیر. شونینگدیک اولر، غزنی ساغلیقنی سقلش ریاستی مسئوللریدن بو توغریده آچیقلمه بیریلیشی نی ایسته‌ب و ایتیشلریچه، بوتون مملکت‌لرده دولتی کسل‌خانه‌لر ساغلیق خذمت‌لر نی تیکین روش‌ده ارایه قیله‌دی.
عادله نینگ کوپه‌یتیریشیچه: «بوندن آلدین غزنی حوزه‌وی کسلخانهسی گه مراجعت قیلگنیمیز پیت، فیس توللمه‌سدن باره‌ر ایدیک؛ بیراق حاضر ایسه فیس توللــــــــه‌یشیمیز کیره‌ک. هر معاینه‌دن ۵۰-۱۰۰ افغانی و هر عملیات‌دن ۵۰۰-۱۰۰۰ افغانی آله‌دیلرو دولتی کسل‌خانه‌لرده فیس آلینمه‌سلیگی کیره‌ک.»
شونینگدیک بلال نینگ ایتیشیچه: «بو ییرده پولی بولمه‌گن و قیین‌چیلیگی بولگن کیشی‌لر کیله‌دی. کوپراق تومن‌لردن کیله‌دیلر. بو ییرگه اقتصاد‌لری ضعیف‌لیگی اوچون کیله‌دیلر که قیین‌چیلیکلری حل بولسین. حاضر بو ییرده کسل‌لردن ۵۰-۱۰۰ افغانی فیس آلینه‌دی و بو فیس نینگ اصلی بولیب بولمه‌گنی هم بیللی ایمس.»
باشقه بیر تامان‌دن، غزنی ده مدنی فعال فاطمه محبی، فیس آلینیش طرحی‌دن تنقید‌لب ایتیشیچه، حاضر دولتی کسل‌خانه‌لر گه پول توللش خصوصیده یشاوچیلر کوچی ییتمه‌یدی و اونگه کوره، حکومت هر طرح نی ایجاد قیلیش‌دن آلدین اهالی نینگ اقتصادی وضعیتی نی نظر گه آلیشی کیره‌ک.
اونینگ کوپه‌یتیریشیچه: «همه‌میز بیله‌میز که، اهای اقتصادی اونچه‌لیک یخشی ایمس. انه شوو سبب، فیس آلیش طرحی نینگ لغو بولیشی کیره‌ک، مسئوللر و شفاکارلر غزنی دولتی کسل‌خانه‌سیده کسل‌لردن فیس آلمه‌سینلر.»
بیزلرنینگ فیسبوک صحیفه‌میزگه باش اورینگ!
عین حالده، غزنی ساغلیقنی سقلش ریاستی مسئوللری نینگ ایتیشلریچه، فیس آلینیشی تصدیق‌لنگن طرح و ساغلیقنی سقلش وزیرلیگی نینگ بویروغی اساسیده صورت تاپه‌دی.
غزنی ساغلیقنی سقلش باشلیغی رسول‌خان نظری، سلام‌وطندار گه فیس آلینیشی شفاقیتی‌دن ایشانچ بیریب و ایتیشیچه، کسللر فیسی شفاف بیر شکلده، مستوفیت آرقه‌لی بانک‌که قوییله‌دی.
غزنی حوزه‌وی کسلخانهسی نینگ جاری قویاش ییل باشلنیشی‌گچه همکار مؤسسه‌لر آرقه‌لی تمویل و جهازلنیشی و سونگی پیتده حمایت‌لر توخته‌یشی بیلن، اوشبو کسل‌خانه خره‌جتلری کوپراق ساغلیقنی سقلش وزیرلیگی بودجه‌سیده تأمین‌لنیشی بیرحالده، اوشبو ولایت‌ده دولتی کسل‌خانه‌لرده فیس توللنیلیشی، کسللر و کسل‌دارلر نی خواطرلنتیرگن.