بیر اتاق چیکهسیده، قدیمی ماشینی آرقهسیده اولتیریب و تیری بولکلرینی اوست کییم (بالاپوش) گه اَیلنتیریش مقصد، اولرنی تیکماقده. ۴۵ یاشر بولمیش عبیدالله نوری، غزنی شهریدهگی یگانه پوستیندوز دیر؛ بیراق بازارنینگ تنزل گه یوز توتگنی سبب، آز بویورتمه آلیب و اویدن تشقریده ایشخانه آچیش خرهجتلرینی تامینله آلمهیدی.
نوری، حاضر غزنینینگ نیچه تومنیدن بیر قطار مشتریگه ایگه بولیب، و اولر ایسه کوپراق اوست کییم بویورهدیلر. «عیاللرگه اوست کییملرنی هم تیکهمیز. اندر، مقر و گیلان تومنلریده ساتیلیش بار. حاضر ایسه پوستیندوزلیک اورتهدن کیتماقده. هیچ مشتری یوق.»
بیزلرنینگ فیسبوک صحیفهمیزگه باش اورینگ!
نوری، اوتگن ییللرده غزنی ده ایرککلردن کوپ قطارینینگ پوستیندوزلیک صناعتیده ایش بیلن شغللنیب و منطقه مملکتلریدن مشتریلرگه ایگه بولگنلرینی بیان قیلهدی. «اوتگن ییللرده غزنی شهریده ایکی-اوچ یوزدن آرتیق پوستیندوزلیک دکان بار ایکن و بو ییرده تاجیکستان، قرغیزستان و اورته آسیا مملکتلریدن مشتری و سوداگر کیلیب و بویورتمه بیرهر ایکن.»
عبیدالله نوری، پوستیندوزلیکنی آتهسیدن ارث آلیب و حاضر ایسه غزنی شهری شرقیده جایلشگن «روضهی سلطان محمود غزنوی» قیشلاغیده، اوشبو ایشنینگ دوامی مقصد حرکت قیلهدی که بو ایش، ایندی دسترخوان اوستیگه اونچهلیک نان آلیب بارمهیدی و او، عایله نیازلرینی تامینلش اوچون کوپراق وقتینی ایکینچیلیک بیلن اوتکزیشگه مجبور دیر. «اوتگن ییللرده کابل ده بیر دفترده ایشلهر ایدیم. حاضر قیشلاغیمیزده ایکینچیلیک قیلهمن. ۱۸ و ۱۹ جریب ییر دیر و اوشه ییرگه کچالو و بوغدای ایکیب عایله نیازلرینی تامینلهیمن.»
بیزلرنینگ «ایکس» ترماغی ده هم تعقیب قیلینگ!
جناب نوری، پوستیندوزلیک صناعتینینگ اونوتیلمسلیگی اوچون اونینگ اوچون بازارتاپیلیشینی ایستهگن. اونگه کوره، مذکور ولایتنینگ پوستیندوزلیک تولیدلریگه بازار تاپیلمسه، بو صناعتنینگ بوتونلی شکلده اورتهدن کیتیشی ممکن. «اسلام امیرلیگی اینیقسه معلومات و مدنیت وزیرلیگیدن انه شوو مسلککه خاص توجه قرهتیلیشینی ایستهیمیز. بو صناعت اورتهدن کیتماقده. خدا قیلمهسین که میندن سونگ بو ییرده باشقه پوستیندوز قالمسه. حداقل بیران مارکیتینگ بولسین. بیران دکان یا بیران امکانیت یرهتیلسین. چیتایللیک بیران کیشی کیلگنیده حداقل بیران بیللی آدرسیمیز بولسه. اولر بویورتمه بیرسهلر و بیزلر هم بویورتمهلرنی تیار قیلسک.»
پوستیندوزلیک، غزنی ده قدیمی صناعتلردن بولیب و کییم توزهتیلیشی اوچون اونده سیگیر و قوی تیریسیدن فایدهلنیلهدی. مذکور صناعت یقین اوتمیشده، یخشی بازار گه ایگه بولیب و غزنینینگ محلی اقتصادی رواجلنیشیگه یاردم بیرهر ایدی؛ لیکن حاضر ایسه وارد بولهدیگن کییملر بیلن رقابتدن آرتگه قالیش سبب، بازارینی قولدن بیریب و نابود بولیش خوفی بیلن روپهره دیر.
