غزنی ده تاووقچیلیک اوشبو ولایتده‌گی عیاللردن قطاری اوچون درآمد منبع‌سی گه اوزگرگن. مذکور عیاللر، اوی‌لریده تاووقچیلیک بیلن عایله اقتصادی وضعیتی یخشی‌لنیشی گه یاردم بیریشلرینی بیان قیلیب، بوتوغریده اولرگه همکارلیک بولینیشی‌نی ایسته‌گنلر.
غزنی ولایتی مرکزی «غیب‌قلندر» قیشلاغی یشاوچیلری‌دن بیری زهره‌نینگ ایتیشیچه، ایکی ییل‌دن بویان تاووقچیلیک بیلن شغللنیب و بو یول آرقه‌لی عایله خره‌جتی‌دن بیر قطاری‌نی تامین‌له‌یدی.
زهره همکار موسسه‌لردن اولرگه یاردم بیریلیشی‌نی ایسته‌ب کوپه‌یتیریشیچه: «کونده ۵۰-۶۰ یومورتقه ساته‌من؛ بیراق قیته تاووق‌لر گه دانه ساتیب آله‌من. کوپ آز فایده قاله‌دی. حاضر ۸۰ ته تاووغیم بار، همکار موسسه‌لر‌نینگ یاردم بیرگنی صورت‌ده، تاووق‌لر سانی کوپه‌یشی و یخشی فایده قالیشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک دوستلری‌نینگ تشویق قیلگنی بیلن تاووق‌چیلیککه یوز کیلتیرگن فهیمه‌نینگ ایتیشیچه، حاضرگچه بو توغریده یخشی بیر درآمد قولگه کیلتیرمه‌گن. «ایش‌سیزلیک و دوست‌لریم‌نینگ تشویق قیلگنی سبب تاووق‌چیلیککه یوز کیلتیردیم. بو یول آرقه‌لی برچه عایله نیازلرینی تامین قیله آلمه‌یمن؛ بیراق عایله اقتصادی‌گه بیراز یاردم بیره آله‌من.»
شونده‌ی بیرحالده، اقتصادی و چاروه‌چیلیک ایشلری بوییچه ایش بیلرمانلر‌نینگ اورغولشیچه، مذکور مسلک‌نینگ رواجلنیشی عایله‌لر اینیقسه سرپرست عیاللر اقتصادی وضعیتی یخشی‌لنیشی خصوصیده یاردم بیره‌دی.
بو توغریده اقتصادی ایش بیلرمانلردن حسن‌رضا شایان‌فر‌نینگ ایتیشیچه: «سرپرست عیاللر گه اونچه‌لیک ایش یوق. تاووقچیلیک فارم‌لری آچیلیشی، اوی‌ده ایشلب چیقریلگن محصوللر، قالین توقیش و باشقه ایشلر عایله‌لر اقتصادی قیین‌چیلیکلری حلی خصوصیده اونملی رول اوینه‌یدی.»
چاروه‌چیلیک ایشلری بوییچه ایش بیلرمان حبیب‌الله فیضی، تاووقچیلیک فارمی اوچون اونملی بولگن نرسه‌لرنی بیان قیلیب و ایتیشیچه: «تاووق‌لر‌نینگ سلامتلیگی اونملی بیر موضوع دیر. بو توغریده عایله‌لر گه سیمینارلر اوتکزیلیشی کیره‌ک. تاووق‌لر ایملنیشی، نیاز بولگن دارولر، برق و باشقه بیر قطار نرسه تاووقچیلیک اوچون نیاز دیر و بولمه‌گنی صورت‌ده تاووقچیلیک فارمی رواجلنمه‌یدی.»
غزنی ایکینچیلیک، چاروه‌چیلیک و سووغاریش ریاستی مسئوللری‌نینگ معلوماتی اساسیده، مذکور ولایت‌ده ۷۳۰ ته تاووقچیلیک فارمی بولیب و اولردن قریب ۱۰ ته‌سی عیاللر تامانیدن رهبرلیک بوله‌‌دی.
بیزلرنینگ «ایکس» ترماغی ده هم تعقیب قیلینگ!
اوشبو ریاست تاووقچیلیک عمومی مدیری محمد شفیق‌نینگ سلام‌وطندار گه ایتیشیچه، غزنی ده فارم‌لر و تعلیمی برنامه‌لر اوتکزیلیشی بولیمی‌ده تاووق‌چی عیاللردن قوللب-قوتلنیشی خصوصیده سعی‌وحرکتلر‌نینگ دوامی بار.
جناب شفیق‌نینگ کوپه‌یتیریشیچه: «غزنی ولایتی بویلب ۷۳۰ ته تاووقچیلیک فارمی بار و اولردن قریب ۱۰ ته‌سی عیالر گه تیگیشلی دیر. بعضی جایلرده‌‌گی فارم‌لرده عیاللر ایشله‌یدی، تیکشیره‌دی و شونینگدیک اولر اوزلری تاووق ییتیشتیره‌دیلر. بیزلر هم اولر گه سیمینارلر اوتکزیلیشی‌‌گه سعی‌وحرکت قیله‌میز.»
سونگی ییل‌لر مملکت قطار ولایت‌لری جمله‌دن غزنی ده عیاللردن قطاری فارم آچیش گه قیزیققن که تاووقچیلیک کبی کیچیک مسلک‌لر، عایله‌لر اینیقسه عیاللر اقتصادی وضعیتی یخشی‌لنیشی و درآمد منبع‌سی صفتیده بولگن.