غزنی ده تحصیل قیلگن ییگیتلردن قطاری نینگ ایتیشلریچه، ایش‌سیزلیک و ایش فرصتلری یوقلیگی اولر نینگ کیله‌جکلری خصوصیده خواطرلنتیرگن.
غزنی یشاوچیلریدن محمدعارف نینگ ایتیشیچه، ایش فرصتلری یوقلیگی اونینگ کیله‌جگی خصوصیده ناامید قیلگن. «ییگیتلر اوچون مناسب ایش تاپیلمسلیگی و ایش‌سیزلیک اولر نینگ استعدادلری اورته‌دن کیتیشی و شونینگدیک ایش‌سیزلیک ییگیتلر نینگ خلاف ایشلر گه یوز کیلتیریشلریگه سبب بوله‌دی.»
بیزلرنینگ فیسبوک صحیفه‌میزگه باش اورینگ!
غزنی یشاوچیلریدن باشقه بیری حماسه نینگ ایتیشیچه، درست مدیریت یوقلیگی سبب، نهادلرگه مسلکی و تجربه‌لی کیشیلر ایش گه آلینمه‌یدی. «واسطه گه ایگه بولیش باشقه بیر قیین‌چیلیک دیر؛ چونکه نهادلردن قطاری‌ده تانیشیمیز بولمسه، استعدادیمیز بولسه هم ایش گه آلینمه‌یمیز و نهادلرده‌گی ایشلاوچیلر هر کیم بیلن هر تورلی یانده‌شه‌دیلر که بو موضوع خواطرلنتیرووچی دیر.»
غزنی یشاوچیلریدن عزت‌الله نینگ ایتیشیچه: «تحصیل قیلگن ییگیتلر نینگ قوللب-قوتلنمسلیگی و ایش زمینه‌سی یوقلیگی سبب، ییگیتلردن قطاری مهاجرت قیلیش گه مجبور بوله‌دی که بعضا اولر نینگ حیاتی نی کوپینچه قیین‌چیلیککه روپه‌ره قیله‌دی، شونینگدیک تحصیل قیلینه‌دیگن بولیم نینگ تنلش هم ایش تاپیش اوچون مستقیم تاثیری بار.»
غزنی ولایتی مقر تومنی یشاوچیسی ریحانه نینگ ایتیشیچه، ایش‌سیزلیک ییگیتلر آره‌سیده روحی کسل‌لیکلر نینگ کوپه‌یشی گه سبب بولگن. «تحصیللری گه ضد ایشلش و اداره‌لر نینگ تورلی بولیم‌لریده آز سوادلیک، ییگیتلر اوچون اساسی قیین‌چیلیکلردن دیر. ایش فرصتی یوقلیگی ایش تاپیش اوچون بولگن اشتیاق نینگ کمه‌یشی و ییگیتلر نینگ حیات‌دن زیریکیشی گه سبب بوله‌دی.»
مذکور ییگیتلر، سرپرست حکومت‌دن تحصیل قیلگن ییگیتلر نینگ امکانیتلریدن فایده‌لنیش اوچون اولر گه ایش زمینه‌سی یره‌تیلیشینی ایسته‌گنلر.
اقتصادی مسئله‌لر بیلرمانلریدن مومن مبارز نینگ ایتیشیچه، تحصیل قیلگن ییگیتلر گه ایش زمینه‌سی یوقلیگی، کمبغل‌لیک و اقتصادی قیین‌چیلیکلر کوپه‌یشی گه سبب بوله‌دی. اونینگ کوپه‌یتیریشیچه: «دولت ایش فرصتلری نی یره‌ته‌دیگن خصوصی بولیم‌لر و کیچیک ایشلردن حمایت قیلیشی و ییترلی امکانیتلرنی اولر گه یره‌تیشی کیره‌ک؛ سالیق نی کمه‌یتیرسین، قرضه بیریش نی آسان قیلسین و تشویقی سیاستلر آرقه‌لی مالی یاردم‌لرنی انجام بیرسین که ایش زمینه‌سی یره‌تیلسین.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، غزنی یاش ییگیتلر بوییچه آمری سیدجلال زاهد نینگ ایتیشیچه، ییگیتلردن قطاری تورلی‌خیل نهادلر گه تانیشتیریلگن و شونینگدیک باشقه ییگیتلر گه ایش فرصتلری یره‌تیلیشی اوچون سعی‌وحرکت نینگ دوامی بار. «مرکز و تومنلر شامل ییگیتلر استعدادی کوچلنیشی و اولر نینگ امکانیتی رواجلنیشی اوچون تورلی برنامه‌لر انجام بولگن که اولر تورلی مهارتلرنی اورگه‌نیب و تحصیل‌دن کیین فرقلی ساحه‌لرده ایش گه آلینسه‌لر.»
اوتگن اوچ ییل‌ده اسلام امیرلیگی رسمی‌لری نیچه مرته یشاوچیلر اینیسقه تحصیل قیلگن کیشیلر گه ایش زمینه‌سی یره‌تیلیشی خصوصیده سعی‌وحرکت قیلیشینی ایتگنی بیرحالده، غزنی ده تحصیل قیلگن ییگیتلر ایش فرصتلری یره‌تیلیشینی سوره‌گنلر.
