غزنی ده تیمیرچیلردن قطاری نینگ ایتیشلریچه، باشقه مملکت‌لردن اولر نینگ تولید قیله‌دیگن وسیله‌لری وارد بولینیشی، تیمیرچیلیک صناعتی بازاری نی کسادلیککه روپه‌ره قیلیب و بو صناعت آرقه‌لی قولگه کیلتیره‌دیگنلری درآمد کون اوتیشی بیلن کمه‌یماقده.
غزنی ولایتی‌ده‌‌گی ۷۲ یاشر زلمی، ۶۰ ییل عمری نی تیمیرچیلیک بیلن اوتکزگن. اوشبو صناعت بولیمی‌ده ۶۰ ییل عمری نی اوتکزگن زلمی، حاضر تیمیرچیلیک صناعتی بازاری نینگ کسادلیککه یوز توتگنی نی بیان قیلیب و ایتیشیچه، مملکت ایچیده و تشقی‌ده رواجلنگن دستگاه‌لر، تیمیرچیلیک دکان‌لریده‌گی اوت کوره‌لری نینگ اورنی‌نی آلگن.
بیزلرنینگ «ایکس» ترماغی ده هم تعقیب قیلینگ!
مذکور تیمیرچی نینگ کوپه‌یتیریشیچه: «ایش یوق؛ ماشین‌لر کیلگن و بیزلر کبی تیمیرچیلر ایسه یالغیز ییغیم-تیریم موسومی‌ده اگر ۲۰۰-۳۰۰ ایشلسه‌ک، باشقه خلاص. بو ییرده اولتیره‌میز و آی‌ده ۲۰۰۰ افغانی دکان کرایه‌سی نی بیره‌میز و چوکی‌دار گه هم پول بیره‌میز.»
غزنی‌ده‌گی تیمیرچیلردن باشقه بیری حیات‌الله نینگ ایتیشیچه، پاکستان و چین دن تیمیرچیلیک وسیله‌لری وارد بولیشی، ایشلری نینگ اورنی‌نی آلگن. «اوراق چین دن کیله‌دی، بالته پاکستان دن کیله‌دی. ایشیمیز جوده‌یم کمه‌یگن. توزه‌تگنیمیز نرسه‌لردن اونچه‌لیک فایده قیلمه‌یمیز. تیمیر قیمت، کومیر قیمت.»
غزنی ده تیمیرچیلیک صناعتی بازاری کسادلیککه یوز توتگنی سبب، اوشبو ولایت‌ده تیمیرچیلردن قطاری ایشلرینی اوزگرتیرگنلر.
هیداوچیلیک و توار ساتیش گه یوز کیلتیرگن تیمیرچیلردن قربانعلی و عبدالخالق نینگ سلام‌وطندار گه ایتیشلریچه، حاضر تیمیرچیلیک درآمد قولگه کیلتیریش اوچون یخشی بیر ساحه بوله آلمه‌یدی.
قربانعلی نینگ ایتیشیچه: «بو صناعت توغریسیده ایش کمه‌یگن. درآمد بولمه‌گنی‌ده، عاید بولمه‌گنی‌ده اهالی ایش نی ترک قیله‌دی.»
شونینگدیک عبدالخالق نینگ ایتیشیچه: «پاکستان و چین دن کیله‌دیگن نرسه‌لر ایشلریمیز‌دن ۵۰ فایزی گه زیان ییتیشتیردی. چونکه اولر اقتصادی‌راق توشیدی و توزتگنیمیز نرسه‌لردن هیچ نرسه قالمه‌یدی بیزلر گه. انه شوو سبب ایش نی ترک قیلدیک.»
شونده‌ی بیرحالده، غزنی محلی مسئوللری اوشبو ولایت‌ده قدیمی صناعت‌لردن حمایت بولینیشی نی بیان قیلیب و ایتیشلریچه، اسلام امیرلیگی قدیمی صناعت و کیچیک تجارت‌لر نینگ قوللب-قوتلش گه متعهد دیر.
غزنی حاکمی سوزلاوچیسی عمر غزنوی نینگ سلام‌وطندار گه ایتیشیچه، اوشبو ولایت مقامی ییغین‌لریده نیچه مرته غزنی قدیمی صناعتلریدن حمایت بولینیشی گه تاکید قیلگن.
بیزلرنینگ فیسبوک صحیفه‌میزگه باش اورینگ!
جناب غزنوی نینگ کوپه‌یتیریشیچه، اسلام امیرلیگی رهبری کیچیک کسبه‌کارلر اوچون سالیق نی معاف قیلگن و بو بویروغ، صناعتچیلردن حمایت قیلیش اوچون غزنی ده هم تطبیق بولیشی ممکن.
غزنی مملکت نینگ قدیمی ولایت‌لریدن بولیب و مذکور ولایت یشاوچیلری اوتمیش‌‌‌دن حاضرگچه تیمیرچیلیک، پوستین‌دوزلیک و کلاه‌دوزلیک کبی قدیمی صناعتلرده ایشلش گه مصروف بولگنلر که حاضر، اورین‌لری نی ماشین‌لر آلیب و اولر نینگ قیزیق بازاری‌دن هیچ بیر خبر یوق.
