غزنی ده کسللر و کسل‌دارلردن قطاری نینگ ایتیشلریچه، اوشبو ولایت‌ده هوا اوزگریشلری و چنگ-توپه‌لنگ کوپه‌یگنی بیلن عیاللر آره‌سیده تنفسی کسللیگی کوپه‌یگن. غزنی شهری نینگ خصوصی کلینیکلریدن بیریگه دوالنیش اوچون کسلی نی کیلتیرگن بی‌بی هاجره، سلاموطندار بیلن اوتکزگن صحبت‌لریده بازارده ساتیله‌دیگن دارولر نینگ تاثیرسیزلیگی نی بیان قیلهدی.
بانو هاجره نینگ کوپه‌یتیریشیچه: «تنفسی کسللیگی بولگن بیر کسلی‌میز بار؛ جوده‌یم یامان بیر شکلده کسل دیر. بیران پیت کوپ ایشله‌گنی‌ده نفسی قیسیله‌دی. کسللر نینگ دارو گه نیازی بار و بیلمه‌یمیز که قنده‌ی رقم دارو آلسه‌ی، چونکه دارولر نینگ درست تاثیری یوق. دارو قوللنگنلریده هم یخشی تاثیر قیلمه‌یدی.»
بیزلرنینگ «ایکس» ترماغی ده هم تعقیب قیلینگ!
غزنی شهری‌ده‌گی کلینیکلردن بیری گه تنفسی کسللیگی نینگ دوالنیشی اوچون مراجعت قیلگن گیتی گه کوره، یوریش بیلن نفسی کوپراق قیسیله‌دی. اونینگ ایتیشیچه: «نیچه مدت‌دن بیری بیر کسل‌لیککه چیلنگنمین؛ یوریگنیم پیتده نفسم قیسیله‌دی. ایشله‌گنیم پیتده کوپه‌یه‌دی. دارو ییگنیم پیتده، یخشی‌راق دیر؛ ییمه‌گنیم‌ده ایسه کوپه‌یه‌دی و دارو بولمسه بولمه‌یدی.»
باشقه بیر تاماندن، غزنی حوزه‌ای کسل‌خانه‌سیگه تورموش اورتاغی نی دوالنیش اوچون کیلتیرگن ایمل نینگ ایتیشیچه، کسلی درمان آستیده بولگنی بیلن؛ بیراق تنفسی کسللیگی کوپه‌یماقده. اونینگ کوپه‌یتیریشیچه: «تورموش اورتاغیم بو کسل‌لیککه چلینگن. دارو ییگنی‌ده یخشی بوله‌دی؛ دارو ییمه‌گنی‌ده ایسه اوشه رقم نفسی قیسیله‌دی. حاضر شفاکار یانیگه کیلگن‌میز که کوره‌یلیک بیران چاره بار می دیب. یوریگنی پیتده بو قیین‌چیلیک بیلن روپه‌ره بوله‌دی.»
عین حالده، غزنی ده‌گی شفاکارلردن مژگان احمدی نینگ ایتیشیچه، باش‌ده تنفسی کسل‌لیک نی سنتی دارولر بیلن هم درمان قیلیش ممکن؛ بیراق بو کسل‌لیک کوپه‌یگنی پیتده، کسللر شفاکار گه مراجعت قیلیشی کیره‌ک.
بو کسل‌لیک دوالنیشی اصولی و خصوصیت‌لری توغریسیده بانو احمدی نینگ ایتیشیچه: «قیین بیر شکلده نفس آلسه؛ یوره‌گی تیز تیز اورسه و خیس خیس قیلسی و یوتلی کوپ بولسه؛ بو ییرده بیزلر بیرینچی‌ده معاینه قیله‌میز؛ لابراتواری معاینه‌لر. سنتی دوالنیشی هم اوشبو دارچین که بورون و بوغیز اوچون یخشی دیر، بونی ایته‌میز و بو هم فایده قیلمسه، آز قیمتلی و کمراق اسارتی بولگن دارولر نی بیره‌میز.»
شونده‌ی بیرحالده، غزنی ساغلیق نی سقلش باشلیغی رسول‌خان نظری نینگ سلاموطندار گه ایتیشیچه، گرچند تنفسی کسللیگی عیاللر آره‌سیده کوپه‌یگن؛ لیکن بو ولایت‌ده‌گی درمانی مرکزلر اونینگ دوالش امکانیتی گه ایگه دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تنفسی کسل‌لیک، موسومی بیر کسل‌لیک دیر که موسوملرده ترقه‌له‌دی. قیش و ساووق موسوملرده کوپه‌یه‌دی و عیاللر آره‌سیده کوپ دیر. موسومی اوزگریشلر و هوا ساووقلیگی بیلن واقعه‌لری کوپه‌یه‌دی. بو بولیم‌ده برچه کسل‌خانه‌لرده امکانیتلریمیز بار و ان‌شاءالله اهالی قیین‌چیلیگی کوپینچه درجه‌ده حل بوله‌دی.»
ایتیش کیره‌ک که، تنفسی کسل‌لیک یامان بیر کسل‌لیک دیر که باش‌ده دوالنمه‌ی و کوپه‌یگنی صورت‌ده، تنفسی سیستم گه زیان ییتیشتیریب و شونینگدیک اونینگ دوالنیش پروسه‌سینی هم قیین‌لشتیره‌دی.
