کابل-قندهار قتناو یولی جنوبی ولایت‌لر نی مملکت مرکزی بیلن باغله‌یدیگن اونملی قتناو یول‌لردن دیر. مذکور قتناو یول نینگ بیر بولیمی غزنی ولایتی‌دن اوتیب و اوشبو ولایت نینگ اون‌دن آرتیق تومنی بو قتناو یول نینگ ایکی تامانیده ییرلشگن.
لیکن کابل-قندهار قتناو یولی نینگ قیته قوریلیشی بیلن، بو قتناو یول‌ده ترافیکی حادثه‌لر مثلی کوریلمه‌گن درجه‌ده کوپه‌یگن.
بیر هفته آلدین اوشبو قتناو یول‌ده حادثه قیلیب و حاضرگچه یره اثری یوزیده قالگن محمد نینگ ایتیشیچه، قرشی تامانیده‌گی هیداوچی نینگ احتیاط‌سیزلیگی، ترافیکی حادثه گه سبب بولیب و مذکور حادثه‌ده اوزی شامل بیش کیشی یره‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «نیچه پیت آلدین موتریم حادثه قیلدی، شکر که اونچه‌لیک یره‌لنمه‌دیم، بیراق یوزیم بیراز یره‌لندی. مینی بیلن ایکی کیشی بار ایدی. قرشی موتر هیداوچی‌سی نینگ احتیاط‌سیزلیگی اوچون ترافیکی حادثه یوز بیردی. او موترده هم اوچ کیشی بار ایدی و اولردن هم یره‌لنگن بار و بیزلردن هم. اهالی جوده‌یم احتیاط‌سیزلیک قیله‌دی.»
شونینگدیک غزنی یشاوچیلریدن باشقه بیری اسلام‌الدین نینگ ایتیشیچه، نیچه پیت آلدین اقاربلریدن بیری نی کابل-قندهار قتناو یولی‌ده ترافیکی حادثه طفیلی قولدن بیرگن.
او، غزنی ترافیک مدیریتی مسئوللریدن بو قتناو یول‌ده ترافیکی حادثه‌لر کمه‌یشی اوچون توجه قیلیشلری نی ایسته‌گن. «روضه قیشلاغیده قانلی بیر ترافیکی حادثه گه شاهد ایدیک، تیز هیده‌ش و توجه‌سیزلیک سبب خالد اسم‌لی بیر ییگیت حیاتی‌نی قولدن بیردی. ترافیک مدیریتی‌دن سرک‌لر نی کنترول قیلسین که و بو کبی حادثه‌لر کمه‌یسین.»
کابل-قندهار قتناو یولی‌ده هیداوچیلر، هیداوچیلر نینگ احتیاط‌سیزلیگی و تیز هیده‌شی نی، مذکور قتناو یول‌ده ترافیکی حادثه‌لر کوپه‌یگنی اصلی سببی عنوان قیلگنلر.
بو توغریده هیداوچیلردن بیری ظفرخان نینگ ایتیشیچه: «بوندن آلدین موترلر سرعتی تیز ایمس ایدی و بو قدر ترافیکی حادثه بولمس ایدی. اون کیلومترلیک و بیش کیلومترلیک‌ده بیر جمپ بار ایدی. حاضر سرک نینگ ستندرد شکلده قوریلگنی‌دن بیری، هیداوچیلر موترلری نینگ کوپ تیز هیده‌یدیلر و هیچ کنترول بولمه‌یدی.»
غزنی امنیه قوماندانلیگی نینگ ترافیک مدیریتی آمارلری اساسیده، یالغیز سونگی تورت آی‌ده اوشبو ولایت‌ده ۱۳۵ ترافیکی حادثه ثبت بولیب و نیچه کیشی نینگ اولیب و یره‌لنیشی گه سبب بولگن.
شونده‌ی بیرحالده، اوشبو ترافیکی حادثه‌لر نینگ اورته‌چه درجه‌سی، هفته‌ده اون‌ته دیر.
غزنی ترافیک مدیری نوراحمد رهبر نینگ سلام‌وطندار گه ایتیشیچه: «ولایت و تومن‌لرده ۱۳۵ ترافیکی حادثه یوز بیرگن که اوشبو حادثه‌‌لردن ۳۰ ته‌سیده تلفاتی بار ایدی و بیر قطار کیشی یره‌لنیب و ۸ کیشی اولگن دیر.»
عین حالده، غزنی امنیه قوماندانلیگی سوزلاوچیسی خالد سرحدی، کابل-قندهار قتناو یولی‌ده ترافیکی حادثه‌لر نینگ کوپه‌یگنی نی تصدیق‌لب، مذکور قتناو یول نینگ قیته قوریلگنی، هیداوچیلر نینگ احتیاط‌سیزلیگی و سونگی نیچه هفته‌ده قار و یامغیر یاغیشی نینگ بو حادثه‌لر گه سبب بولگن اصلی عامل‌لریدن بیله‌دی.
بیزلرنینگ «ایکس» ترماغی ده هم تعقیب قیلینگ!
جناب سرحدی نینگ ایتیشیچه، غزنی ده ترافیکی حادثه‌لر کمه‌یشی اوچون، هیداوچیلر گه تعلیمی و آگاهی‌لیک بیریش برنامه‌لر نینگ باشله‌گنلر. «غزنی امنیه قوماندانلیگی نینگ ترافیک مدیریتی دایم هیداوچیلر گه آگاهی‌لیک بیرگن و شونینگدیک تعلیم و درس‌لر نی هم باشله‌گن. هیداوچیلر نینگ موتر هیده‌شی خصوصیده ترافیکی قانون-قاعده‌لر نینگ بیلیشلری اوچون بیر قطار سیمنیارلر هم بار.»
ایتیش کیره‌ک که، کابل-قندهار قتناو یولی نینگ قیته قوریلیش ایشی بو ییل نینگ باشلریده سرپرست حکومت نینگ فواید عامه وزیرلیگی آرقه‌لی باشلنیب و حاضر ایسه هوا نینگ ساووق بولگنی سبب، ایشی توخته‌‌‌گن.
غزنی‌ده فواید عامه وزیرلیگی مسئوللری گه کوره، کابل-قندهار عمومی قتناو یولی نینگ غزنی ولایتیده تیگیشلی قسمتلریدن ۷۰ فایزی قیته قوریلگن و قالگن ۳۰ فایز یول نی قیته قوریش ایشی هم هوا مناسب بولگنیدن کیین باشلنیشی ممکن.
