سونگی کون‌لر غزنی ده سبزه‌وات و میوه اینیقسه آلمه و آلوبخارا نینگ ییغیم-تیریم موسومی دیر. غزنی ولایتی‌ده باغ‌دارلر و ایکینچیلر هر ییل محصوللری نینگ ییغیم-تیریم جریانیده، اوشبو ولایت‌ده ایکینچیلیک محصوللری نینگ پاکت‌لش و پروسس مرکزلری یوقلیگی‌دن شکایت قیلیب و ایتیشلریچه، ییغیش و پروسس امکانیت‌لری یوقلیگی، هر ییل محصوللریدن کوپینچه‌سی نینگ ییغیم-تیریم و بازار گه انتقال بیریلیشی جریانیده زیان کوریشی و سوداگرلر گه آز قیمت بیلن ساتیلیشی گه سبب بوله‌دی.
اولر نینگ سلام‌وطندار گه ایتیشلریچه، اوشبو ولایت‌ده ایکینچیلیک محصوللرنی پاکت‌لش اوچون درست امکانیت و پروسس مرکزلری یوقلیگی سبب، اولر محصوللری نینگ مملکت مرکزی‌ده پاکت‌لش یا-ده آز قیمت گه ساتیش گه مجبورلر. غزنی مرکزی نینگ جنوبی‌ده جایلشگن «اسفنده» قیشلاغیده‌گی باغ‌دارلردن بیری شاه‌محمد نینگ سلام‌وطندار گه ایتیشیچه، میوه‌لر نینگ درخت‌دن سنتی شکلده و قول بیلن درخت‌دن توپله‌یدیلر و کوپینچه پیت درخت‌لر نی قاقیب و کیین ایسه درخت‌لر آستیدن میوه‌لر نی توپله‌یدیلر.
اونینگ کوپه‌یتیریشیچه، حاضرگچه غزنی نینگ ایکینچیلیک، چاروه‌چیلیک و سووغاریش ریاستی آرقه‌لی هیچ تعلیم ارائّ بولمه‌گن و شونینگدیک میوه‌لری نینگ توپلش و پاکت‌لش خصوصدیه زمانه‌وی امکانیت‌لری هم یوق دیر. «ایکینچیلیک ریاستی هیچ تعلیمی برنامه ارائه قیلمه‌گن. کراچی و ریکشا آرقه‌لی میوه‌لر توپلنه‌دی. درخت نی قیمیردتگنی‌میز پیتده، میوه‌لر ییر گه توشیب و زیان کوره‌دی. قولیمیز بیلن توپله‌یمیز. وسیله‌لریمیز بولگنی پیتده، وسیله‌لر بیلن توپله‌ر ایدیک؛ بیراق وسیله یوق که درست شکلده انتقال تاپمه‌یدی. انتقال بیریلیشی جریانیده، قیمیرده‌ب و خراب بوله‌دی.»
بیزلرنینگ فیسبوک صحیفه‌میزگه باش اورینگ!
شاه‌محمد گه کوره، ایکینچیلیک محصوللر نینگ درست شکلده پاکت‌لنمه‌سلیگی سبب، غزنی‌ده‌گی باغ‌دارلر حاصل‌لریدن آز قیمت قولگه کیلتیره‌دیلر و محصوللری نینگ ستندرد شکلده پاکت‌لنیب و بازار گه عرضه بولگنی صورت‌ده، بو توغریده درآمدلری کوپه‌یشی ممکن. او غزنی ده ایکینچیلیک محصوللر نینگ پاکت‌لش و پروسس مرکزلر ایجاد بولینیشی نی ایسته‌یدی.
غزنی ایکینچیلیک، سووغاریش و چاروه‌چیلیک ریاستی مسئوللری، اوشبو ولایت‌ده ایکینچیلیک محصوللر نینگ ستندرد شکلده پاکت‌لنیشی و پروسس زمینه‌سی یوقلیگی نی قبول قیلیب و ایتیشیچه، بیر قطار سوداگرلر بیلن هماهنگ‌لیک‌ده، یقین کیله‌جک‌ده «روضه‌ی سلطان‌محمود» ساحه‌سیده، ساووق‌خانه بیلن میوه‌لر نینگ پروسس و پاکت‌لش اوچون ستندرد بیر مرکز ایجاد بولیشی ممکن.
غزنی ایکینچیلیک، سووغاریش و چاروه‌چیلیک ریاستی نینگ عمومی مدیری محمد‌زکریا هوتک نینگ سلام‌وطندار گه ایتیشیچه: «غزنی ده ستندرد پاکت‌لش قیین‌چیلیگی، ایکینچیلیک محصوللر اینیقسه میوه‌لر خصوصیده بار. بو توغریده ایشله‌یمیز و ستندرد ساووق‌خانه و ستندرد پاکت‌لش مرکزلر توزه‌لگنی صورت‌ده که، خوشبختانه تورلی ولایت‌لردن بیر قطار سوداگر ایکینچیلیک ریاستی گه مراجعت قیلگنلر. اولر بیلن همکارلیک قیلدیک، ساحه و ییر نی قریب بیللی قیلدیک که، ان‌شاءالله قبول بولگنی صورت‌ده، ساووق‌خانه توزه‌لیشی بیلن، او ییرده پروسس و ستندرد پاکت‌لش مرکزی هم ایجاد بولیشی ممکن.»
جناب هوتک نینگ کوپه‌یتیریشیچه، محصوللر نینگ ییغیم-تیریم و صادرات جریانیده، سوداگرلر و باغ‌دارلر بیلن هماهنگ‌لر و کوپینچه پیت مسلکی مصلحت‌لر بیریلیشی اوچون محصوللر پاکت‌لنیشی ایشی جریانیدن نظارت قیله‌دیلر.
ایکینچیلیک محصوللر نینگ ستندرد شکلده پاکت‌لنمه‌سلیگی و باغ‌دارلردن قطاری آرقه‌لی پلاستیکی خریطه‌لرده محصوللر نینگ تیریلیشی، مشتریلر و سوداگرلر شکایتی گه سبب بولگن.
مشتریلر و سوداگرلردن قطاری نینگ ایتیشلریچه، باغ‌دارلر و محلی سوداگرلردن قطاری، خراب محصوللر و میوه‌لر نی خریطه یا-ده کارت نینگ اورته‌سی یا-ده قویی گه قوییب خریطه اوستیگه یخشی محصول‌لردن قوللنه‌دیلر.
بو توغریده غزنی ده قوروق میوه مندوی‌سی نینگ کانتری محمدکریم یاری نینگ سلام‌وطندار گه ایتیشیچه: «قیغو بیلن غزنی ولایتی‌ده، ستندرد و خلق‌ارا شکلده پروسس قیلیش شرکت‌لریمیز یوق. قیین‌چیلیک بیلن روپه‌ره‌میز؛ سوداگرلریمیز، ایشلاوچیلریمیز و باش‌ده ایکینچیلیک وزیرلیگی، بو توغریده همکارلیک قیلیشی نی کوتیب تورگن‌میز. بو ییرده بولمه‌یدی و پروسسی نی کابل ده قیله‌میز. بو ییرده پروسس قیله‌دیگن شرکت‌لریمیز یوق.»
بیزلرنینگ «ایکس» ترماغی ده هم تعقیب قیلینگ!
غزنی ده قوروق میوه مندوی‌سی کلانتری نینگ کوپه‌یتیریشیچه، غزنی نینگ آلو بخاراسی و بیر قطار میوه‌لری پاکستان گه صادر بوله‌دی و کیین ایسه پاکت‌لنیب و قیته پاکستان دن پاکستان محصولی اسمی آستیده، خلق‌ارا بازار‌لر گه صارد بوله‌دی. «بو توعریده صناعت و سوداگرلیک وزیرلیگی و ملی سوداگرلریمیز سعی و حرکت قیلیب و پروسس شرکت‌لر نینگ ستندرد شکلده قورسین‌لر که، اهالی گه ایش زمینه‌سی یره‌تیلسین. حاضر ایسه آلو بخارا پاکستان گه کیتیب و او ییرده پروسس بوله‌دی و قیته پاکستان محصولی اسمی‌ده دنیا بازارلری گه یوباریله‌دی.»
شونینگدیک غزنی‌ده ایکینچیلیک ایشلری بوییچه ایش بیلرمان‌لریدن قطاری، اوشبو ولایت‌ده محصوللر نینگ حاضرگی پاکت‌لنیشی خصوصیده ناراض بولیب و ایتیشلریچه، باغ‌دارلر درآمدی نینگ کوپه‌یشی اوچون، محصوللر نینگ ستندرد شکلده پاکت‌لنیشی کیره‌ک که بو رقم، خلق‌ارا سوداگرلر نینگ اعتباری آستیده قرار تاپه‌دی.
ایکینچیلیک ایشلر بوییچه ایش بیلرمانی و بیلیم یورت استادی حشمت‌الله سایس نینگ سلام‌وطندار گه ایتیشیچه، باغ‌دارلر بو توغریده اقتصادی کوچ و کیره‌کلی امکانیت‌لری یوق و دولت بو توغریده آسایشته‌لیک ایجاد یره‌تیشی کیره‌ک. «حاضرگی پاکت‌لنیش نی قبول قیلمه‌یمیز، اینگ یخشی شکلده پاکت‌لنیشی کیره‌ک. ستندرد شکلده صورت تاپیشی کیره‌ک که، منطقه و خلق‌ارا بازار‌ده قبول بولسین. دهقان‌لر نینگ درست شکلده پاکت قیلیشی اوچون، کوپینچه امکانیت گه نیاز دیر و اقتصادی نقطه‌ی نظردن قیغو بیلن دهقان‌لرمیز حاضر ایسه ستندرد پاکت‌لش امکانیتی گه ایگه ایمس.»
جناب سایس، میوه‌لر نینگ پاکت‌لنیشی خصوصدیه پلاستیک‌دن قوللنیش نی ناتوغری دیب و ایتیشیچه، محصوللر نینگ پاکت‌لنیشی‌ده ستندرد سبدلردن قوللنیب و سبدلر هم یینگیل، هوالی و مقاوم بولیشی کیره‌ک.
عین حالده، غزنی ایکینچیلیک، سووغاریش و چاروه‌چیلیک ریاستی نینگ عمومی مدیری محمد‌زکریا هوتک نینگ ایتیشیچه، باغ‌دارلر خراب بولگن محصوللر نینگ بیر بیری یانیده و بیر کارتن گه توپلنیش‌دن توسیق بولیب و محصوللر نینگ درست و ستندرد شکلده، بیر وزن و ستندرد سبدلر ایچی گه فنی ایشلاوچیلر آرقه‌لی تیریلیب و قیته فنی شکلده پاکت‌لنیشی کیره‌ک.
غزنی ولایتی، مملکت نینگ ایکینچیلیک ولایت‌لریدن حساب‌لنه‌دی که، اوشبو ولایت یشاوچیلریدن قطاری ایکینچیلیک و چاروه‌چیلیک بیلن شغللنگن. غزنی ولایتی ایکینچیلیک محصول‌لردن کوپینچه‌سی اوچون یخشی حاصل بیره‌دیگن ییرلر و مناسب هوا گه ایگه بولگنی بیرحالده؛ بیراق زمانه‌وی ایکینچیلیک اوچون ییترلی معلومات یوقلیگی و ییترلی امکانیت یوقلیگی، ایکینچیلر و باغ‌دارلر نینگ کوپینچه سعی و حرکت قیلگنی بیلن، آز درآمد قولگه کیلتیریشی گه سبب بولگن.