غزنی ده چاروه‌چیلیک و ایکینچیلیک محصوللر نینگ بیر کونلیک کورگزمه‌سی، بوگون (سه‌شنبه، ۲۸-قوس)، اوشبو ولایت ایکینچیلیک و چاروه‌چیلیک ریاستی تامانیدن یولگه قوییلگن.
اوشبو کورگزمه‌ده قوروق میوه‌لر، غزنی ده ییتیشتیریله‌دیگن اوسیم‌لیکلر، لبنیات، عسل و زعفران نمایش گه قوییلیب و کورووچیلر نینگ اوزی گه دقتینی قره‌تگن.
مذکور کورگزمه نینگ آچیلیش جریانیده غزنی ایکینچیلیک، سووغاریش و چاروه‌چیلیک ریاستی باشلیغی محمدادریس حنیف نینگ سلام‌وطندار گه ایتیشیچه، اوشبو کورگزمه ایکینچیلر و سوداگرلر آره‌سیده کوپراق هماهنگ‌لیک مقصد یولگه قوییلگن.
بیزلرنینگ «ایکس» ترماغی ده هم تعقیب قیلینگ!
جناب حنیف نینگ کوپه‌یتیریشیچه: «دهقان‌لر بیلن تجارلر آره‌سیده هماهنگ‌لیک ایجاد بولیشی و شونینگدیک محصوللر نینگ ساتیلیشی اوچون ایچکی و تشقی‌ده بازار یره‌تیلیشی مقصد بو کبی کورگزمه گه ضرورت بار.»
مذکور کورگزمه‌ده محصول‌لری نینگ نمایش گه قویگن تولیدی فارم‌لری مسئوللری و ایکینچیلردن قطاری نینگ ایتیشلریچه، بو کبی کورگزمه‌لر نینگ یولگه قویلیشی، غزنی ده ایکینچیلیک محصوللر نینگ تانیشتیریلیشی اوچون فایده‌لی بولیب و اهالی ایچکی تولید‌لردن قوللنیشلری کیره‌ک.
محصول‌لری نی نمایش گه قویگن باغ‌دارلردن بیری نقیب‌الله نینگ ایتیشیچه: «اهالی‌دن ایچکی محصول‌لریمیزدن قوللنیشلری نی ایسته‌یمیز که بو رقم، هم دهقان گه فایده ییتیشه‌دی و هم اوزیمیز خودکفا بوله آله‌میز.»
غزنی‌ده ایکینچیلیک فارم‌لردن بیری نینگ مسئولی و ایکینچیلیک ایش بیلرمانی حشمت‌الله سایس نینگ سلام‌وطندار گه ایتیشیچه، غزنی محصول‌لری یخشی کیفیت گه ایگه دیر و ستندرد شکلده پروسس بولگنی و پاکت‌لنگنی صورت‌ده، باشقه مملکتلر محصول‌لری بیلن رقابت قیله آله‌دیلر.
جناب سایس نینگ کوپه‌یتیریشیچه: «ایکینچیلیک کورگزمه جوده‌یم کیره‌کلی دیر، ییل‌ده حد اقل ایکی یا-ده اوچ مرته یولگه قوییلیشی کیره‌ک که بو رقم دهقان‌لر و اهالی آره‌سیده هماهنگ‌لیک بولسین. فکریمیزچه محصوللریمیز کیفیت‌لی تولید بولسین و ستندرد شکلده پروسس و پاکت‌لنسین که بو رقم ایچکی و تشقی گه صادر قیله آله‌یلیک.»
بو کورگزمه گه شرکت قیلگن غزنی یشاوچیلریدن قطاری نینگ ایتیشلریچه، اسلام امیرلیگی هر ییل تورلی بولیم‌لرده بو کبی کورگزمه‌لر نینگ یولگه قوییشلری کیره‌ک که بو رقم، ایکینچیلیک محصوللر نینگ رواجلنیشی اوچون زمینه یره‌تیلسین.
بیزلرنینگ فیسبوک صحیفه‌میزگه باش اورینگ!
مذکور کورگزمه گه شرکت قیلگنلردن ظفر میاخیل نینگ ایتیشیچه: «بو کورگزمه بیزلر اوچون کوپ یخشی دیر، دولتی‌میز دایم بو کبی کورگزمه‌لر نینگ یولگه قویسین که، اهالی ایچکی محصوللریمیز بیلن تانیشسین.»
غزنی حاکمی اورین‌باسری محمدرحیم محمود، اوشبو کورگزمه‌ده مذکور ولایت یشاوچیلری و باشقه یشاوچلردن، ایچکی محصوللر و تولید‌لردن قوللنیشلری نی ایسته‌گن. جناب محمود نینگ ایتیشیچه: «اوز ممکتیمیز نینگ محصول‌لریدن قوللنیش کیره‌ک که بو رقم ایکینچیلیک صناعتی رواجلنسین. تینگری درست نیت‌لی بولگن و باله‌لری گه نفقه تاپه‌دیگنلر گه کوپ اجر و ثواب بیره‌دی.»
غزنی ولایتی افغانستان نینگ ایکینچیلیک خصوصیده اونملی بولگن ولایت‌لریدن بیری دیر که، اوشبو ولایت یشاوچیلریدن قریب ۸۰ فایزی ایکینچیلیک و چاروه‌چیلیک بیلن شغللنگن. غزنی ولایتی نینگ عسل، آلو بخار و زعفرانی دنیا شهرتی گه ایگه بولیب و نیچه ییل‌دن بیری دنیا نینگ تورلی مملکت‌لری گه صادر بوله‌دی، بیراق پروسس مرکزلر یوقلیگی و اوشبو محصول نینگ ستندرد پاکت‌لنمه‌سلیگی بو ولایت ایکینچیلری و سوداگرلری نینگ قیین‌چیلیکلریدن دیر.
