اسرائیل آرقهلی غزهنینگ بوتونلی محاصره بولگنی و انسانسیورلیک یاردملر یوباریلیشی آلدی آلینگنیدن کیین، اوشبو منطقهنینگ کمیده ۵۷ یشاوچیسی اینیقسه بالهلر، کیکسهلر و کسللر، آچلیک و توییب آوقتلنمسلیک عاقبتیده قربان بولگنلر.
غزه ده محلی رسمیلر قتناو یوللر یاپیلگنی و فلسطینلیکلرگه آزیق-آوقت، سوو و دارو یوباریلیشی آلدی آلینگنیگه عکسالعمل کورسهتیب و ایتیشلریچه، اسرائیل آچلیکدن تینچ اهالیگه باسیم کیلتیریش واسطهسی صفتیده فایدهلنهدی.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ اعلام قیلیشیچه، جاری ییل باشلنگنیدن حاضرگچه توییب آوقتلنمهیدیگن ۹ مینگدن آرتیق باله کسلخانه گه مراجعت قیلگن. غزه دهگی کسلخانهلر، جهازلر و دارو یوقلیگی سبب ینگیلیکده مراجعت قیلهدیگن کسللرنی قبول قیلیش امکانیتیگه ایگه بولمهگنلرینی معلوم قیلگن.
رفح دهگی کسلخانهلردن بیرینینگ مدیری، اساسی دارولردن ۷۵ فایزینینگ توگهشی و یالغیز بیر هفته اوچون دارو-درمان قالگنی توغریسیده آگاهلنتیرگن. اونینگ اورغولشیچه، چیگرهلرنینگ آچیلمهگنی صورتده طبی خذمتلرنینگ توختهتیلیشی ممکن و دوالنیش مقصد کسللرنینگ تیزلیک بیلن غزهدن تشقیگه انتقال بیریلیشی کیرهک.
بیرلشگن ملتلر تشکیلاتینینگ آگاهلنتیریشیچه، غزهنینگ محاصر بولگنی و بشری یاردملر ییتکزیلیشی توغریسیدهگی چیکلاولر دوامی، میلیونلب کیشینی جدی آچلیک خوفی آستیده قرار بیرگن. بیرلشگن ملتلر تشکیلاتی، بو بحراننینگ یکونلنیشی اوچون خلقارا همجمعیتنینگ عاجل اقدام قیلیشینی ایستهگن.
بیزلرنینگ فیسبوک صحیفهمیزگه باش اورینگ!
اسرائیل جاری ییل ۲-مارچ، غزه گه انسانسیورلیک یاردملر یوباریلیشینی توختهتگن که بو اقدام خلقارا اینیقسه بیرلشگن ملتلر تشکیلاتینینگ عکسالعمللری بیلن روپهره بولگن.
غزهنینگ بوتونلی محاصره بولگنیدن ۶۰ کوندن کوپراق بولگن و شونینگدیک امریکا فلسطینلیکلرگه یاردم یوباریلیشی توختهتیلگنیدن دفاع قیلگن.
