پروان و غزنی ولایت‌لریده اوروشلر جریانیدن پارتلمه‌ی قالگن ماینلر نینگ پارتلشی عاقبتیده یوز بیرگن ایکی واقعه‌دن کیین، اوشبو ولایت‌لر یشاوچیلریدن قطاری، یشش محیطلری نینگ اوروشلردن قالگن ماینلر بیلن افلاسلنگنی خصوصیده خواطر بیلدیریب و اونینگ اوزلری و عایله‌لری اوچون جدی بیر تهدید دیگنلر.
بو توغریده پروان ده شنبه کونی ماین پارتلشی گه شاهد بولگنلردن بیری حسیب‌الله نینگ سلام‌وطندار گه ایتیشیچه: «بو ییرده ایش بیلن مصروف ایدیک که پارتلش سیسی کیلدی؛ یقین‌راققه باردیک ایکی کیشی اولیب و آلتی کیشی یره‌لنگن ایکن، قیین‌چیلیک بو که ایشچی باله‌لر بار و کیلیب کهنه تیمیر و باشقه هر نرسه کیلتیره‌دیلر و بیلمه‌یدیلر که او پارتله‌یدیو بو ییرده بیران نرسه بولسه تازه‌لنیشی یا-ده نشانی بولیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک غزنی نینگ قره‌باغ تومنی‌ده شنبه کونی اوق پارتلشی نتیجه‌سیده اولگن باله نینگ یقین‌داشلریدن بیری جاوید گه کوره: «پارتلمه‌گن ماده‌لر حاضرگچه منطقه‌لریمیزده بار؛ اوتگن مرته شو رقم پارتله‌دی که قیغو بیلن تلفاتی بار ایدی. دولتی مسئوللر و شونینگدیک همکار تشکیلاتلردن منطقه نینگ پارتلش ماده‌لردن تازه‌لنیشی نی ایسته‌یمیز که اهالی راحت بیر شکلده حیات کیچیرسین.»
ایتیش کیره‌ک که، جاری هفته شنبه کونی پروان و غزنی ده ماین و اوق پارتلشی عاقبتیده، اوچ کیشی اولیب و آلتی کیشی ایسه یره‌لنگن.
شونده‌ی بیرحالده، طبیعی آفت‌لر ایشلری بوییچه دولت وزیرلیگی نینگ ماین‌لرنی تازه‌لش ریاستی باشلیغی نورالدین رستم‌خیل بو بولیم‌ده بودجه کم‌لیگی‌نی، ولایت‌لرده ماینلر پارتلشی عاقبتیده خوفلر یوقاریلیگی اصلی عاملی عنوان قیلگن.
اونینگ ایتیشیچه: «ایشلاوچیلریمیز سانی آز دیر؛ کوپ قطاری بودجه کم‌لیگی سبب اوی گه دیر. افغانستان ده ۱۵ مینگ ماین پاک بار که ۲ یریم الی ۳ مینگ کیشی حاضر ایشله‌یدی. بو بولیم‌ده بودجه اختصاص بیریلگنی‌ده و ایشلاوچی کوپه‌یگنی‌ده، خوفلر کمراق بوله‌دی. اصلی قیین‌چیلیک بودجه کم‌لیگی دیر. ملی و خلق‌ارا نهادلردن اوشبو بولیم‌ده همکارلیک بولینیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
طبیعی آفت‌لر ایشلری بوییچه دولت وزیرلیگی نینگ ماین‌لرنی تازه‌لش ریاستی باشلیغی گه کوره، حاضر ایسه افغانستان توپراغی نینگ قریب بیر مینگ ۲۰۰ کیلومتر مربع توپراغی ماین بیلن افلاسلنگن دیر.
طبیعی آفت‌لر ایشلری بوییچه دولت وزیرلیگی نینگ ماین‌لرنی تازه‌لش ریاستی معلوماتی گه قره‌گنده، جاری میلادی ییل باشلنگنی‌دن جاری آی نینگ باشی‌گه قدر، افغانستان ده ماین پارتلشی عاقبتیده یوز بیرگن ۱۱۱ واقعه‌ده، ۷۰ کیشی اولیب و قریب ۱۸۰ کیشی ایسه یره‌لنگن.
شونینگدیک افغانستان ده ماین تازه‌لش برنامه‌سی نینگ ایتیشیچه، آی‌ده ۵۰-۶۰ کیشی ماین پارتلشی نتیجه‌سیده، اولیب و یره‌لنه‌دی.