قندوز ولایتی «باغمیر» قیشلاغی یشاوچیسی بولمیش فوزیه، هر کونی قویاش چیقیشی بیلن ایکینزاری تامان حرکت قیلیب، محنت طفیلی یاریلگن قوللری و بوکیلگن بیلی بیلن کونده کوپینچه محصول ییتیشتیریش و عایله اقتصادینی قوللب-قوتلش اوچون چرچهمسدن ایشلشگه باشلهیدی.
۳۳ یاشر فوزیه، ۱۱ ییلدن بیری ایکینچیلیک ییرلرده فعالیت قیلیب و یخشی حاصل قولگه کیلتیریشی مقصد سعیوحرکت قیلهدی. اوشبو عیال ییرلریگه ایکهدیگن محصوللر توغریسیده معلومات بیریب و ایتیشیچه: «حوت آییدن حمل آییگچه اسملاق، گشنیز و نعنا ایکهمیز و کیین ایسه بوغدای، ارپه، جواری و برنج ایکهمیز. اهالی هم ماش، تروز و قاوون کبی نرسهلرنی ایکیش بیلن شغللنگن. اوزیمیز هم پمیدار، پیاز و شوندهی نرسهلرنی ایکیشگه شغللنگنمیز. باغیمیزگه هم شفتالو و اوزوم کبی میوهلر بار. محصوللر یخشی و اولردن فایدهلنهمیز.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، فوزیه ایکینچیلیک ایشلری بیلن شغللنگنی یانیده، اوی ایشلرینی هم بجریشی کیرهک. «قیینچیلیکلر کوپ. اوی ایشی هم بار. اویگه کیلهمن و قازان قویهمن، کییم یووهمن و بیر عیال گه تیگیشلی بولگن برچه اوی ایشلرینی انجام بیرهمن.»
فوزیه، ایکینچیلیکنی یالغیز درآمد منبعسی و حیاتنینگ دوام بیریش اوچون بیر یول صفتیده کورهدی. او عیاللرنینگ قوللب-قوتلنیشی اوچون حکومت و یاردم بیرووچی نهادلردن همکارلیک ایستهیدی. «حکومت و یاردم بیرووچی نهادلردن عیاللرگه تیکووچیلیک، گلدوزلیک، چاروهچیلیک و دکاندارلیک کبی ایشلر زمینهسینینگ یرهتیشلرینی ایستهیمیز»
بیزلرنینگ فیسبوک صحیفهمیزگه باش اورینگ!
فوزیه باشقه عیاللرنی فعالیت و ایشلشگه تشویق قیلیب و ایکینچیلیک ییلرده ایشلشنینگ اوزی اوچون بیر فخر دیگنی بیرحالده، بو ایشنینگ قیینچیلیکلرینی هم بیان قیلهدی. اونینگ کوپهیتیریشیچه، قیغو بیلن هوا ایسیقلیگی و امکانیت یوقلیگی سبب عیاللردن قطاری ایکینچیلیک ییرلرده وفات قیلگنلر. اونگه کوره: «مین دایم عیاللرنی ایشلشگه تشویق قیلهمن، چونکه اولرنینگ قولی باشقهلرگه اوزهلمهسین، لیکن ایکینچیلیک ییرلرده ایشلشنینگ کوپ قیینچیلیکلری هم بار. هوا ایسیق و سووسیز قالیش و آچ قالیش قیینچیلیکلر بار. مین اوزیم ایکی عیالنی تانیمن که پخته ییغیش چاغیده وفات قیلدیلر.»
فوزیه، برچه قیینچیلیک بیلن ینه هم اوز ایاغیده توختهب و یخشیراق بیر کیلهجککه ایگه بولیش امیدی بیلن سعیوحرکت قیلهدی. او، محنتکش افغانستانلیک عیاللردن بیری صفتیده، اوزینینگ قدرتلی قوللری و مستحکم ارادهسی بیلن باشقه عیاللرگه هم امیدنی تیریک سقلب کیلماقده.
