بوگون (جمعه ۱۴- قوس) ایرتهلب مملکت ساغلیک وزیرلیگی نینگ سابق وزیری و شونینگدیک بیرینچی جنرال عیال سهیلا صدیق، کابل شهری نینگ ۴۰۰ یاتاقلی سردارمحمد داوودخان کسلخانهسیده، جان بیرگن. او ۷۰ یاشیده عالم دن اوتگن.
ساغلیک وزیرلیگی نینگ ساغلیک خدمتلر ترقهتیش معینی وحید مجروح فیسبوک صحیفهسیده، سهیلا صدیق نینگ عالم دن اوتگنی نی تصدیقلب و اونینگ «افغانستان امنیتی کوچلری و طبی اجتماع نینگ تانیقلی سیمالریدن» بیری ایدی دیگن.
سهیلا صدیق نیچه ییل دن بویان آلزایمر کسللیگی باعث کوپینچه عذاب کوریب و درمان آستیده قرار تاپگن ایدی.
خانم صدیق کابل بیلیم یورتی نینگ طب فاکولتهسینی بیتتیریب و تحصیلاتی نینگ دوام بیریش اوچون روسیه کیتگن و او ییردن دکترا سندی نی قولگه کیلتیرگن ایکن. سهیلا صدیق ۲۰۰۱- ییل دن ۲۰۰۴- ییل گه قدر ساغلیک وزیرلیگی نینگ وزیری ایدی.