میدانوردک طبیعی حادثهلرگه قرشی کورهش باشلیغی فیضالله جلالینینگ ایتیشیچه، ۶-سرطان، جمعه کونی اوشبو ولایت نرخ تومنیده یوز بیرگن سوو تاشقینلر نتیجهسیده، بیر کیشی اولیب و اوچ کیشی یرهلنگن.
شونینگدیک اوتگن کونی خوست ده یوز بیرگن سوو تاشقینلرده، بیر کیشی اولیب و باشقه بیر کیشی ایسه یرهلنگن.
بیزلرنینگ «ایکس» ترماغی ده هم تعقیب قیلینگ!
پکتیا محلی مسئوللرینینگ ایتیشلریچه، مذکور ولایت جانیخیل و سمکنی تومنلریده یوز بیرگن سوو تاشقینلر عاقبتیده، ۶۰۰ جریب ایکینچیلیک ییر اورتهدن کیتگن.
پکتیا ایکینچیلیک ریاستینینگ رواجلنتیریش عمومی مدیری عزیزالله کریمیگه کوره، اوتگن جمعه کونی یوز بیرگن سوو تاشقینلرده، میوهلی و میوهسیز ایکی مینگ درخت هم کیسیلگن.
کریمینینگ ایتیشیچه، تیکشیروولر یکونلنیشی بیلن، سوو تاشقینلر طفیلی ییتیشگن زیانلرنینگ کوپهیشی ممکن.
لوگر حاکمی سوزلاوچیسی صدیقاحمد صدیقینینگ ایتیشیچه، اوتگن کون شام چاغی مذکور ولایت مرکزی و تومنلریده سوو تاشقینی یوز بیرگن.
جناب صدیقینینگ کوپهیتیریشیچه، اوشبو سوو تاشقینلر نتیجهسیده، اونلب یشش اوی و مینگلب جریب ایکینچیلیک ییر اورتهدن کیتگن.
بیزلرنینگ فیسبوک صحیفهمیزگه باش اورینگ!
شوندهی بیرحالده، اسلام امیرلیگی ترانسپورت و هوا یوللری وزیرلیگینینگ هواشناسلیک ریاستی، بوگون و ایرته (۸-سرطان، یکشنبه)، مملکتنینگ ۱۴ ولایتیده یاغینگرچیلیک و سوو تاشقینی یوز بیریشیدن خبر بیرگن.
مذکور ریاست بیر بیانیه ترقهتیب، نورستان، کنر، ننگرهار، لغمان، کاپیسا، پروان، کابل، لوگر، میدانوردک، غزنی، زابل، پکتیا، خوست و پکتیکا ولایتلریده کوچلی یاغینگرچیلیک، چقماق، چنگ و توپهلنگ بیلن کوچلی شمال و سوو تاشقینی یوز بیریشیدن آگاهلنتیرگن.
