اندونزیا ده ییر سیلجیشی و سوو تاشقینی قربانلری سانی، ۱۷۴ کیشی گه ییتیشیب و باشقه ۷۹ کیشی یوقالگن.
خلقارا ییتکرمهلرنینگ بوگون (۸-قوس، شنبه)، گزارش بیریشیچه، کوچلی موسومی یاغینگرچیلیکلر و بوران، کینگ کولملی ویرانلیکلرگه سبب بولگن.
اندونزیا طبیعی آفتلرنی باشقریش ملی آژانسینینگ اعلام قیلیشیچه، بو مملکتنینگ یالغیز سوماترا جزیرهسیده، ۱۱۶ کیشی قربان بولیب و ۴۲ کیشی یوقالگن.
اندونزیا طبیعی آفتلرنی باشقریش ملی آژانسینینگ معلوماتی اساسیده، آچه ولایتیده ۳۵ کیشی و غربی سوماترا ده هم ۲۳ کیشی اولگن.
اندونزیانینگ نیچه بولیمیده کوچلی یاغینگرچیلیک، ییر سیلجیشی و سوو تاشقینی نتیجهسیده، مینگلب کیشی اویلرینی ترک قیلیشگه مجبور بولگن.
بو بیلن بیرگه، علاقه قوریش توغریسیده قیینچیلیک و سرکلرنینگ یاپیلگنی، یاردم ییتکزیلیشنی قیینلشتیریب و یاردم بیرووچی کوچلر برقنی برقرار قیلیش و اصلی یوللرنی تازهلش اوچون سعیوحرکت قیلماقدهلر. اندونزیا رسمیلرینینگ اعلام قیلیشیچه، قوتقروو کوچلری و یاردملرنی هوا آرقهلی انتقال بیریش عملیاتی دوام ایتماقده.
