پروان ولایتی جبل‌السراج اولسواللیگی «عشق‌آباد» قیشلاغی‌ده اونلب عیال کییم-کیچک و قول صناعتی ایشخانه‌سیده توپلنگن. اولر کیچیک مقیاس‌ده بولسه‌هم خودکفالیکّه ایریشیب و محل اقتصادی تېکلنیش‌نی اېسته‌یدیلر.
«الماس» آتیده بو ایشخانه، آلتی آی اول ۲۲۰ مینگ افغانی عوضی گه بیش تدبیرکار عیال تامانیدن ایجاد اېتیلگن و حاضر ۱۵۰ عیال کییم-کیچک تیکیش و قول صناعتی بولیمیده ایش بیلن مصروف دیر.
مذکور ایشخانه مسئوللریدن بیری فضیله سادات گه کوره، بو ایشخانه ایشلاوچیلری آره‌سیده، عایله مسئولیتی بولگن عیاللر گه قۉشیمچه، اوی‌ده‌گی قیزلر و اوقیش‌دن محروم بولگن طلبه‌لر و اوقووچیلر ایش بیلن تأمینلنگن.
اونینگ کوپه‌یتیریشیچه: «فعالیت گه باشله‌گنیمیزدن آلتی آی اوتماقده، ۲۲۰ مینگ افغانی عوضی گه بیش عیال تامانیدن ایجاد اېتیلگن، کییم-کیچک تیکیش اورنیده مهارت هم اورگتیله‌دی، بو ییرده ۱۵۰ طلبه و ۱۰ استاد ایشله‌ماقده، کوپراق گند افغانی، محفلی و باله‌لرنینگ کییم‌لری ایشلب چیقریله‌دی و قول صناعتی روی‌میزی، مهره‌بافلیک و گراف دوزلیک دیر.»
بیزلرنینگ فیسبوک صحیفه‌میزگه باش اورینگ!
خانم سادات، حکومت و خلق‌ارا نهادلر بو ایشخانه گه ایش امکانیتینی یره‌تیب و کورگزمه‌لرده حصه بیریب و زمانه‌وی امکانیت‌لرینی ساتیب آلیش اوچون مالی حمایت قیلگن تقدیرده، بو ایشخانه باشقه ولایت‌لر گه هم فعالیتینی کېنگه‌یتیریشی ممکن دیېدی.
اونگه کوره: «ایشلب چیقریلگن کییم-کیچک‌لریمیز پروان مرکزی جبل‌السراج بازاری و حتا کابل گه آلیب باریله‌دی و ایش نمونه‌سینی چیت‌ایل گه جونه‌تدیک، امکانیت یره‌تیلگن حالده تولیدلریمیزنی جهان گه کورسه‌تیشی‌میز ممکن.»
کییم-کیچک و قول صناعتی ایشلب چیقریله‌دیگن بو ایشخانه، خاتین-قیزلرنینگ درآمد قیلیشی و مسلک اورگهنیشی یانیده، استرس و روحی باسیم‌لردن قوتیلیش و یالغیز ایش گه اویلش مکانی گه اېلنگن.
اوشبو ایشخانه ایشلاوچیلریدن بهاره کریمی‌نینگ ایتیشیچه، تدبیرکار عیاللر یانیده ایشله‌گنی اوچون اونگه خورسندلیک تویغوسی تاپیلگن و بو ییرده بولیشی، امیدوار بولیب و ایشیگه دوام بیریشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «آلتی آی‌دن بیری بو ایشخانه‌ده ایشله‌یمیز، بو ایشخانه ایجاد اېتیلگنیدن کېین روحی‌میز گه مثبت تأثیر قویگن و شونینگدیک قول صناعتی‌میزنی ایچکی و چیت‌ایل گه صادر قیلیش گه اولگوردیک، تولیدلریمیزنی دنیا گه صادر قیلیش اوچون دولت‌دن بیزنی مالی حمایت قیلیشینی اېسته‌یمیز.»
مذکور ایشخانه ایشلاوچیلریدن باشقه بیری فاطمه رحمانی، بو ییرده ایشلش نه‌فقط افسرده‌لیک‌لری یوق بولیشی بلکه، بونده‌ی شرکت ایجاد اېتیش انگیزهسینی بیریش گه سبب بولیشینی اېته‌دی.
اونینگ کوپه‌یتیریشیچه: «روحی‌میز گه کوپ اوزگریش کېلگن، مقصدی‌میز بو مرکز گه ایشلش دیر که مملکت خلقی چیت ایل کییم-کیچک‌لری‌دن قوللنمه‌سینلر، دولت و عیاللرنینگ قۉللب-قوتلاوچی نهادلردن بیزنی حمایت قیلیش‌لرینی اېسته‌یمیز.»
پروان صناعت و سودا ریاستی‌نینگ معلوماتی اساسیده، بو ریاست نظارتی آستیده‌گی تولیدی شرکت‌لرده قریب ۵۰۰ تدبیرکار عیال ایشله‌یدی.
افغانستان‌ده خاتین-قیزلر گه قرشی ایریم چېکلاولر یره‌تیلیب و اولر ایش و تعلیم‌دن محروم بولگن بولسه‌لرده؛ بیراق بو عیاللر سعی-حرکت‌دن واز کیچمه‌ی، پارلاق کېله‌جک و اۉزلرینی اۉزی تأمینلش اوچون حرکت قیلماقده‌لر.
