امنیتی منبع‌لرنینگ ایتیش‌لریچه، تخار ولایت‌نینگ خواجه‌غار تومنیده طالبان گروهی‌نینگ اویوشتیرگن هجومی باعث، امنیتی کوچلردن ۵ ته‌سی هلاک ایتلیگن.
منبع‌نینگ سلام‌وطندارگه ایتیشیچه، مذکور واقعه اوتگن کیچه (جمعه ۲۳- عقرب) «پوسته هواشناسی» منطقه‌سیده یوز بیرگن.
اونینگ کوپه‌یتیریشیچه، بو پوسته‌ده‌گی قطار کماندولر طالبان گروهی‌نینگ احتمالی هجوم‌لری باعث، اوشبو تومن‌نینگ خوفسیزلیک قومندانلیگی‌گه بارگن ایکن.
منبع نینگ معلوماتی اساسیده، طالبان گروهی بو پوسته‌نینگ آلیشی گه موفق بولمه‌گن بیراق، خواجه‌غار تومنی‌نینگ اطرافیده حضورلری بار.
۲۱۷ قول‌اردو سوزلاوچیسی هادی جمال‌نینگ ایتیشیچه، بو واقعه‌ده طالبان گروهی‌‌گه هم تلفات یتیشگن، لیکن او بو حقده بیللی رقم بیرمه‌گن.
طالبان گروهی حاضرگچه بو توغریده هیچ بیر فکر بیلدیرمه‌گن.