پروان محلی مسوول‌لری نینگ ایتیش‌لریچه، جاده چیککه‌سیده جایلشتیریلگن ماین نینگ پارتلشی نتیچه‌سیده، اوشبو ولایت قتناو یوللر قطعه‌سی قومندانی شامل ۵ حربی هلاک ایتیلگن.
پروان پولیس قومندانلیگی نینگ جنایت‌لرگه قرشی کوره‌ش مدیری محمدصادق هاشمی نینگ بو خبرنی تصدیق‌لب سلام‌وطندارگه ایتیشیچه، اوشبو واقعه بوگون “دوشنبه” بام‌داد چاغیده چاریکار شهری نینگ «عبدی بای» منطقه‌سیده یوز بیرگن.
هاشمی گه کوره، مذکور حربی‌لری نینگ هاموی تانکی گزمه قیله‌دیگن بیر چاغده، ماین بیلن دوچ کیلگن و نتیجه‌ده قتناو یوللر قومندانی، بیر ساتنمن و ۳ عسکر هلاک ایتیلگن.
بو واقعه مسوولیتی‌نی حاضرگه‌قدر هیچ‌بیر گروه بوینیگه آلمه‌گن.
جاده چیککه‌سیده جایلشتیریلگن ماین‌لر هردایم حربی کوچلر و تینچ اهالیدن قربان‌لیک آلیب کیلگن.