فاریاب معلومات و مدنیت ریاست باشلیغی شمسالدین محمدینینگ ایتیشیچه، بیرینچی ترافیکی حادثه ۶-سرطان، جمعه کونی ایرتهلب میمنه-المار قتناو یولیده ایکی موترنینگ توقنشگنی نتیجهسیده یوز بیرگن.
مذکور حادثه نتیجهسیده، فاریاب ولایتی قوم بویوکلریدن بیری بولمیش عبدالرسول نوایی اولیب و هیداوچیسی ایسه یرهلنگن.
بیزلرنینگ «ایکس» ترماغی ده هم تعقیب قیلینگ!
جناب محمدینینگ کوپهیتیریشیچه، فاریاب ولایتی اندخوی تومنیده، «کرولا» رسوملی بیر موترنینگ سرکدن چیقیب و چپه بولگنی عاقبتیده یوز بیرگن ایکینچی ترافیکی حادثهده، ایکی عیال، بیر ایرکک و بیر باله شامل تورت کیشی اولیب و باشقه ایکی کیشی یرهلنگن.
فاریاب معلومات و مدنیت ریاست باشلیغی، اوشبو حادثه سببینی هیداوچینینگ احتیاطسیزلیگی و اویقوگه کیتگنی دیگن.
بیزلرنینگ فیسبوک صحیفهمیزگه باش اورینگ!
شونینگدیک، فاریاب ساغلیقنی سقلش مسئوللری، یرهلنگنلردن قطارینینگ وضعیتینی آغیر دیگن.
ایتیش کیرهک که، فاریاب ده محلی مسئوللر، ۵-سرطان، پنجشنبه کونی عصر پیتی هم اوشبو ولایت دولتآباد تومنی حدودلریده ترافیکی حادثه یوز بیریب و نتیجهده، آلتی کیشی قربان بولیب و اوچ کیشی یرهلنگنیدن خبر بیرگن ایدیلر.
