افغانستان تشقی ایشلر وزیرلیگی نینگ اعلان قیلیشیچه، ترکیه نینگ «آغری» ولایتیده ترافیکی بیر واقعه عاقبتیده، افغانستان یشاوچی‌لریدن ۵ ته‌سی هلاک ایتیلگن.
اوتگن “یکشنبه” کیچه تشقی ایشلر وزیرلیگی تامانیدن نشر قیلینگن خبرنامه‌ده ایتیلیشیچه، اوشبو واقعه ترکیه مملکتی نینگ آغری ولایتینی «دوغوبایزید» منطقه‌سیده یوز بیرگن.
خبرنامه‌گه کوره، اوشبو واقعه ده افغانستان‌لیکلرنی انتقال بیره‌دیگن موتر سرعت یوقاری بولگنی سبب، قتناو یولدن چیقگن و نتیجه‌ده ۵ کیشی هلاک ایتیلگن.
تشقی ایشلر وزیرلیگی نینگ ایتیشیچه، افغانستان نینگ انقره ده‌گی ایلچی‌لیگی بو واقعه نی جدی شکلده تیکشیره‌دی.
اوشبو وزارت نینگ تاکید قیلیشیچه، دنیا دن اوتگن‌لرنینگ جسدلرینی انتقال بیریش، یره‌لنگن‌لرنی درمانلش و زیان کورگن‌لرگه یاردم بیریش اوچون جدی اقدام‌لر قولگه آلینگن.
