افغانستان‌نی قیته قوریش اوچون امریکا مخصوص تېکشیریش اداره‌سی (سیگار) امریکا کانگرسی‌ده ۶۶-گزارشینی پایله‌شیش‌ده، افغانستانده داعش، پاکستان طالبلر تحریکی و القاعده فعالیت قیلماقده‌لیگیدن خواطر بیلدیرگن.
سیگار، «عصیانچی» گروه‌لر افغانستانده فعالیتی گه دوام بیریب و داعش بو مملکت و منطقه ثباتی اوچون «مهم تهدید» دیه آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، اسلام امیرلیگی سۉزلاوچیسی‌نینگ اورین باسری حمدالله فطرت اوشبو گزارش‌نی رد اېتیب و افغانستانده «خارجی هېچ بیر گروه» یوق‌لیگینی اېتگن. اونگه کوره، داعش افغانستانده ناتو یېتکچیلیگی‌ده خارجی کوچلر کېریشی بیلن شکللندی؛ بیراق حاضر اسلام امیرلیگی کشفی و استخباراتی کوچلری‌نینگ عملیات‌لری طفیلی ضعیف بولگن.
سیگارنینگ گزارشی اساسیده، داعش اوتگن میلادی ییل‌ده افغانستان، ایران، روسیه، پاکستان و تورکیه‌ده اویوشتیریلگن ۶۰ هجوم مسئولیتینی تن آلگن. شونینگدیک اوشبو گزارش گه بناً، داعش‌نینگ هجوملری میلادی ۲۰۲۳-ییل گه نسبتن ۲۰۲۴-ییل‌ده ۴۰ فایز کوپه‌یگن.
سیاسی ایش بیلرمان احمدخان اندرنینگ ایشانچی گه کوره، دنیا و منطقه مملکتلری عصیانچی گروه‌لر گه قرشی کوره‌ش و بوتوغریده‌گی تشویش‌لر گه چېک قوییش اوچون اسلام امیرلیگی بیلن اطلاعاتی و استخباراتی همکارلیک قیلیش‌لری کېره‌ک.
بیزلرنینگ «ایکس» ترماغی ده هم تعقیب قیلینگ!
باشقه تاماندن، حربی ایش بیلرمان محمدصادق شینواری، سیگارنینگ گزارشی گه مناسبت بیلدیریب ایتیشیچه، بو گَل گزارش‌لر کوپراق سیاسی و ریکلام کبی دیر. اونینگ کوپه‌یتیریشیچه، افغانستانده امنیتی تشویش‌لر گه چېک قوییش اوچون اسلام امیرلیگی باشقه مملکتلر بیلن ییغیلیش اۉتکزیشی کېره‌ک.
بوندن آلدین، بیرلشگن ملتلر تشکیلاتی همده قۉشنی و منطقه مملکتلردن بیرقطاری، افغانستانده عصیانچی گروه‌لر بارلیگیدن خواطر بیلدیرگنلر؛ بیراق اسلام امیرلیگی نیچه مرته هېچ کیم یا-ده گروه گه افغانستانده فعالیت قیلیب و باشقه مملکتلرنینگ منفعت‌لرینی تهدید قیلیش گه ایزین بیرمسلیگی گه تأکید اېتگن.
