عامه ساغلیق وزیرلیگی مسئوللری نینگ ایتیش‌لریچه، سالنگ تونلی‌ده یوز بیرگن یانغین نتیجه‌سیده، ۳۱ کیشی اولیب و ۳۷ کیشی ایسه یره‌لنگن.
عامه ساغلیق وزیرلیگی سوزلاوچیسی شرافت زمان، بوگون بیر پیام آرقه‌لی رسانه‌لر گه ایتیشیچه، مذکور وزیرلیک نینگ محلی ساغلیق تیم‌لری حاضر‌گچه، ۳۱ جسد و ۳۷ یره‌دار نی سالنگ‌دن ساغلیق مرکز‌لر گه انتقال بیرگنلر.
بیزلرنینگ توییترده هم تعقیب قیلینگ!
عامه ساغلیق وزیرلیگی سوزلاوچی نینگ کوپه‌یتیریشیچه، اوشبو رقم نهایی ایمس و بوتون معلومات‌لر نی توپله‌گن‌لریدن کیین، رسانه‌لر اختیاری گه قرار بیریش‌لری ممکن.
شنبه کیچه ۲۶-قوس، مسئوللری سالنگ تومنی ایچیده بیر تیل تانکر نینگ آلاو آلگنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
پروان امنیه قوماندانی عزیزالله عمر نینگ سلام‌وطندار گه ایتیشیچه، اوشبو کیچه (شنبه، ۲۶ قوس) ساعت ۸:۳۰ اطرافیده، بغلان دن کابل تامان یوللنگن بیر تیل تانکری، بغلان حدودلری گه قر‌شلی سالنگ تونلی‌دن ۵۰ متر اوزاق‌ده، تیل تانکری نینگ موتر تنه‌سیدن اجره‌لیشی عاقبتیده یانغین یوز بیرگن.
پروان امنیه قوماندانی اوتگن کون سلام‌وطندار گه، اوشبو واقعه‌دن ۲۲ جسد بیلن ۲۵ یره‌دار نینگ سالنگ تونلی‌دن چیقریلگنی نی ایتگن ایدی. شونینگدیک او تلفات رقمی نینگ کوپه‌یشی خصوصیده تاکید قیلگن.