اسلام‌آباد تاملری‌نینگ چېکه‌سیگه ینگی قویاش نورلری استه-سیکین یاییلگن بولسه‌ده؛ شهرده‌گی کوپلب افغانستان‌لیک مهاجرلرنینگ یوره‌گیده قورقوولی تون هنوز دوام اېتماقده. شهرنینگ چېکه‌سیده جایلشگن دریزه‌لر آرتیده بو ایرتنگ‌‌لی تینچ‌لیک خیره و رنگ‌سیز کورینه‌دی. کوچه‌لر ساکن؛ بیراق تار کوچه‌لرده اوی‌لرنی تینتوو اوچون پولیس موتری‌نینگ آژیر آوازی، مهاجرلرنینگ تنه‌سینی لرزگه ساله‌دی.
اوشبو تار کوچه‌لردن بیریده، خیرمحمد خسته قره‌‌ش بیلن نازک پرده‌نینگ آرتیدن تشقریگه چیقه‌دی. او، پاکستان‌ده‌گی مینگلب افغانستان‌لیک مهاجرلردن بیری دیر جبری شکلده چیقریش خوفی بیلن دوچ و حبس گه آلینیش‌دن قورقیب هفته‌لردن بیری یشش اویی‌دن چیقمه‌گن؛ اېندی او نه کیچکینه آزیق-آوقت ساتووچی دکان گه باره‌دی نه قدیمی دوست‌لرینی کورگنی چیقه‌دی.
خیرمحمد ۳۰ ییل‌دن بیری پاکستان‌ده حیات کېچیریب کېلماقده؛ شو ییرده تورموش قورگن، اوچ باله‌سی بار و بار مال-ملکی کیچکینه دکانی دیر. اېندی افغانستان گه قیتیش دهشتی که اونی اوچون بیگانه دیر، جدی تشویشی گه سبب بولگن. «شو ییرده اوی‌لندیم و بوتون حیاتیم شو ییرده دیر. دکان و روزغار ایشی شو ییرده دیر. باله‌لریم و اورتاق‌لریم شو ییرده. ایش و مناسبتیم شو ییرده. بولرنی بیردنیگه ییغیش قیین و امکانیت هم یوق.»
پاکستان حکومتی قانونی مدرکی بولمه‌گن مهاجرلرنینگ چیقریش جریانینی باشلگنیدن بیری، خیرمحمد کیچه-کوندوزنی قورقیش بیلن اوتکزماقده. اېنگ تشویشی باله‌لری‌نینگ کېله‌جگی دیر؛ باله‌لری پاکستان‌ده اولغه‌یگن، اولر بو مملکت‌ده اوقیب و کېله‌جک‌لرینی اۉزلری چیزیشی کوتیلردی، همه‌سی رویا گه ایلنیش خطری موجود. «پریشان و سرگردان من و هر آن نیمه بوله‌دی و قنده‌ی قیلیش‌نی اویله‌ی من. اېنگ کتّه تشویشیم شو که باله‌لریم شو ییرده اوقیدیلر. اوقیش و ریجه‌لری الغاو-دلغاو بولگن. ۳۰ ییل‌ده تورلی قیینیچلیک بیلن توزه‌تگن ایش نیمه بوله‌دی؟»
بیزلرنینگ فیسبوک صحیفه‌میزگه باش اورینگ!
بو فقط خیرمحمدنینگ حکایه‌سی اېمس؛ کوپینچه مهاجرلرنینگ خودّی شونده‌ی حکایه‌سی بار. یونس جیلانی هم بو مهاجرلرنینگ بیری دیر؛ او، اوچ ییل اول پاکستان گه بارگن و حاضرگه قدر قانونی اقامت مدرکینی آلیش گه اولگورمه‌گن. بو امتیازی یوق‌لیگی سبب هر آنده قولگه آلینیب و افغانستان گه قیتریش خوفی‌دن قورقه‌دی.
او، حاضر کیچیکنه بیر اوی‌ده اسلام‌آبادنینگ گوجوملی محله‌لریدن بیریده تیریکچیلیک قیلماقده. «بو ییرده پولیس تامانیدن حبس گه آلیش کوپه‌یگن. پولیس‌دن قورقیب اوی‌دن تشقری چیقه آلمه‌ی من. پاکستان‌ده مهاجرلر احوالی قچان یخشی بوله‌دی دیب کوتماقده‌میز»
پاکستان‌ده قانونی اقامت مدرکی بولمه‌گنلر یانیده، ویزه بیلن بو مملکت گه بارگنلرهم بی‌تشویش اېمس و ویزه مدتینی اوزه‌یتیریش اولر اوچون کتّه معما.
اوشبو مهاجرلردن بیری کیهان آرین‌نینگ ایتیشیچه، ویزه مدتینی اوزه‌یتیریش زمانی کېلگنده کوپ پول تولشی کېره‌ک.
بیزلرنینگ «ایکس» ترماغی ده هم تعقیب قیلینگ!
پولیس، بوگون یشش بلاک‌لریگه کېلیب و یشش اوی‌لرنی بیرمه-بیر تېکشیره‌دی.
کیهان، بو صحنه‌نینگ یقین گواه‌لریدن بونده‌ی دیېدی. «علاقه‌لری یخشی اېمس. پولیس مناسبتی اوزگرگن و اولر اۉز صلاحیت‌لریدن فایده‌لنیب و مهاجرلر بیلن یامان یانده‌شه‌دیلر.»
کیهان‌نینگ کوپه‌یتیریشیچه، قولگه آلینیش پیتیده مهاجرلرگه حتا احتیاجی بولگن نرسه‌لرنی ییغیش امکانی بیریلمه‌یدی. «مهاجرلر احوالی یخشی اېمس. اولر قولگه آلینگن حالده هېچ نرسه آلیش گه ایزین بیریلمه‌یدی یشش اوی بویوملرینی ساته آلمه‌یدیلر حتا بویوملرینی افغانستان گه انتقال بیره آلمه‌یدیلر.»
پاکستان بیرینچی اپریل‌دن، افغانستان‌لیک مهاجرلرنینگ چیقریش جریانینی باشله‌گن. بو جریان انچه ییل‌دن بیری بو مملکت‌ده تیریکچیلیک قیلگنلر اوچون قولی اېمس.
قاچقینلر ایشلری بوییچه بیرلشگن ملتلر تشکیلاتی عالی کمیسارلیگی‌نینگ معلوماتی اساسیده، اپریل آی دستلبکی اون کونیده، قریب ۴۵ مینگ افغانستان‌لیک مهاجر پاکستان‌دن چیقریلگن؛ بیراق بو فقط بیر عدد اېمس. هر بیر رقم آرتیده، بیر تیریکچیلیک، یشش اوی و رویا بار.
