فاریاب ده صناعتچی عیال‌لردن قطاری، تجارت‌لری رواجلنیشی و یخشی درآمد قولگه کیلتیریش اوچون، توارلری نینگ آنلاین یولی آرقه‌لی ساتیش گه یوز کیلتیرگنلر. مذکور عیاللر نینگ ایتیشلریچه، آنلاین یولی آرقه‌لی قول صناعتلری نی ساتیش گه یوز کیلتیرگنلریدن کیین، ایشلری رواجلنگن.
مذکور عیال‌لردن بیری و ۴۵ قیز گه تیکووچیلیک اورگته‌دیگن مونسه قاری‌زاده نینگ سلام‌وطندار گه ایتیشیچه، مذکور قیزلر آرقه‌لی تیکیلگن کییم‌لر نینگ آنلاین شکلده ساتیلیشی، یخشی درآمد قولگه کیلتیریشلری گه سبب بولگن. لیکن بانو قاری‌زاده نینگ کوپه‌یتیریشیچه، حکومت و سرمایه یاتقیزه‌دیگنلر تامانیدن تدبیرکار عیاللر نینگ حمایت بولینیشی، عیاللر نینگ ایشی توغریسیده کوپینچه یاردم بیره‌دی.
مونسه نینگ اورغولشیچه: «بیر تدبیرکار تورلی انجولر و تجارت بولیمیده حمایت قیله‌دیگن آرقه‌لی حمایت بولگنی‌ده پیشرفت قیله‌دی. ایش نینگ رواجلنیشی اوچون بو توغریده ایشله‌یدیگنلر نینگ حمایتی گه نیازیمیز بار، مثلا کوپینچه شاگردیمیز بار؛ اولر تیکین شکلده ایشله‌یدیلر؛ حمایت گه نیازیمیز بار؛ اولر گه حداقل بیران مقدار پول بیریش گه نیازیمیز بار که ایش گه قیزیقسینلر؛ بیزلر بیلن ایشله‌سینلر و تجارت بولیمیده پیشرفت قیلسینلر.»
بیزلرنینگ «ایکس» ترماغی ده هم تعقیب قیلینگ!
شونینگدیک فاریاب ولایتی‌ده‌گی صناعتچی عیال‌لردن ماریه علمی و نیلوفر عنایت ثانی نینگ ایتیشلریچه، دکان‌لری یاپیلگنی‌دن کیین، اجتماعی ترماق‌لر آرقه‌لی توارلرینی ساتیب و بو یول‌دن یخشی درآمد قولگه کیلتیره‌دیلر.
ماریه علمی نینگ کوپه‌یتیریشیچه: «حاضر آنلاین بازاری چیققنی یخشی دیر؛ آسایشته‌لیک دیر. آنلاین سودا چیققنی‌دن بیری چیت ایل مملکت‌لر بیلن هم ایشله‌یمن و ولایت‌لر بیلن هم ایشله‌یمن. تلفن آرقه‌لی فرمایش بیره‌دیلر. توی کییم، سرتختی، جیز نرسه‌لری و شو رقم هر نرسه نی که ایته‌دیلر مین تیارلب بیره‌من. شکر که حاضر آسایشته‌لیک کیلگن؛ حاضر تلفن بار و تلفن و آدم آرقه‌لی پیش کیته‌دی.»
شونینگدیک نیلوفر نینگ کوپه‌یتیریشیچه: «آنلاین سودا، باشقه ییرلر بیلن هم بوله آله‌دی؛ چون قراردادلریمیز تشقی‌دن دیر. ساتیب آله‌دیگنلر تشقی‌ده‌لر؛ لیکن انتقال بیریشی بیزلر گه آز توشه‌دی؛ چون انتقال بیریلیشی اوزیمیز نینگ بوینیمیز گه دیر. انه شوو سبب آنلاین آردر آله‌دیگنیمیز نرسه‌لر نی یالغیز انتقال بیریش پولی نی اوستیگه قویه‌میز؛ لیکن آنلاین یخشی دیر. ساتیشلریمیز خلق‌ارا بوله‌دی. ساتیشلریمیز جهانی بولگنی‌ده مارکیتینگ‌لر هم قوی بوله‌دی.»
بیزلرنینگ فیسبوک صحیفه‌میزگه باش اورینگ!
فاریاب صناعت و سوداگرلیک ریاستی نینگ صناعتی پارک‌لرنی رواجلنتیریش بوییچه مدیری روح‌الله گه کوره، عیاللر گه ایش فرصت‌لری یره‌تیلیشی و معلومات بیریلیشی خصوصیده مذکور ریاست نینگ بیر قطار برنامه‌‌سی بار.
اونینگ کوپه‌یتیریشیچه: «صناعت و سوداگرلیک ریاستی اینیقسه افغانستان اسلام امیرلیگی صناعت و سوداگرلیک وزیرلیگی عیال‌لردن حمایت قیلیش و قول صناعتی مسلکی نی یره‌تیش بولیمیده نیچه ایچکی و تشقی موسسه‌لر بیلن قراردادی بار. صناعت و سوداگرلیک ریاستی تدبیرکار عیال‌لردن حمایت قیلیب، اولر گه ایش زمینه‌سی نی یره‌تیش گه پلانی بار؛ چونکه قول صناعتی بولیمیده شغللنگنلر عیاللر که کوپ مالی حمایت گه نیازلری بار. اوشبو ریاست موسسه‌لر آرقه‌لی عیال‌لردن حمایت قیلیش گه پلانی بار.»
فاریاب صناعت و سوداگرلیک ریاستی نینگ معلوماتی اساسیده، حاضر ایسه مذکور ولایت‌ده ادرم دوزلیک، چرمه‌دوزلیک، گیلم توقیش، قالین توقیش و تیکووچیلیک بولیمیده قریب ۷۰۰ ایش‌خانه نینگ فعالیتی بار.
