فاریاب ده‌گی چاروهچی و تاووقچی عیاللردن قطاری نینگ ایتیشلریچه، تشقی نهادلر حمایتی اولر نینگ اقتصادی وضعیتی یخشی‌لنیشی گه سبب بولگن.
فاریاب ولایتی خواجه سبزپوش تومنی یشاوچیسی بولمیش مریم نینگ ایتیشیچه، تشقی بیر نهاد تامانیدن بیر قطار تاووق ترقه‌تیلگنی‌دن کیین، اقتصادی وضعیتی یخشی‌لنگن. اونینگ کوپه‌یتیریشیچه: «بیزلر گه تاووق یاردم بیردیلر؛ بو یول آرقه‌لی آلتی کیشی‌لیک عایله نیازلرینی تأمین قیله‌من؛ بو تاووقلر آرقه‌لی قولگه کیلتیره‌دیگنیم درآمد، کونده‌لیک صرف-خره‌جتیمیز بوله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک فاریاب یشاوچیلریدن باشقه بیری گلثوم نینگ ایتیشیچه، بیر موسسه تامانیدن نیچه باش چاروه ترقه‌تیلیب و بو یول آرقه‌لی اوزی و باله‌لری نینگ نیازلرینی تامین‌له‌یدی. «نیچه ته سوتلی ایچکی یاردم بیریلگنی‌دن بیری، حیاتیم اوزگرگن؛ بیر ییل بوله‌دی که بو یول آرقه‌لی درآمد قولگه کیلتیره‌من. دایم بیزلردن حمایت قیلینیشینی ایسته‌یمین.»
مذکور عیاللر فاریاب ایکینچیلیک، سووغاریش و چاروه‌چیلیک ریاستی و تشقی نهادلردن، عایله‌لر اقتصادی رواجلنیشی مقصد، اولردن حمایت بولینیشینی ایسته‌گنلر.
فاریاب ایکینچیلیک، سووغاریش و چاروه‌چیلیک ریاستی نینگ پلان و برنامه‌لر عمومی مدیری عبدالناصر نوری نینگ ایتیشیچه، تشقی نهادلر یاردمی چاروهچی عیاللر قیین‌چیلیگی‌دن بیر بولیمینی حل قیلیب و اولرنینگ اقتصادی وضعیتی گه یاردم بیرگن. اونینگ کوپه‌یتیریشیچه: «چاروهچی عیاللر حیاتی یخشی‌لنیشی و ایکینچیلیک رواجلنیشی مقصد، بیر قطار لایحه‌لر خصوصیده ایشلنماقده که اونینگ یکونلنیشی بیلن، ایکینچیلیک و چاروه‌چیلیک بولیمی‌ده ترقیات گه شاهد بولیشیمیز ممکن.»
فاریاب ده ایکینچیلیک ایشلری بوییچه ایش بیلرمان غلام فاروق نینگ ایتیشیچه، چاروهچی و تاووقچی عیاللر نینگ حکومت و تشقی نهادلر قوللب-قوتلنیشی، اولر نینگ خودکفالیککه ییتیشیشی‌گه یاردم بیره‌دی.
بیزلرنینگ «ایکس» ترماغی ده هم تعقیب قیلینگ!
فاروق نینگ کوپه‌یتیریشیچه: «عیاللردن کوپینچه‌سی نینگ رضایتی بار؛ اهالی اینیقسه عیاللر دسترخوانی گه تغییر کیلگن. نهادلر یانیده اسلام امیرلیگی حکومتی هم چاروهچی و تاووقچی عیاللر گه توجه قیلیب و مناسب بازارلر قوریلیشی کیره‌ک که اولر تشویق بولسین.»
تشقی نهادلر گه علاوه، فاریاب ده ایکینچیلیک، سووغاریش و چاروه‌چیلیک ریاستی هم، چاروهچی عیاللردن حمایت بولینیشی اوچون سعی‌وحرکت قیلگن و اوتگن ییل مذکور ریاست بیرمینگ ۷۰۰ باش سوتلی ایچکی و ۲۱ باش سوتلی سیگیر یاردم بیرگن.
