فاریاب ولایتی دهقان‌لریدن قطاری نینگ ایتیش‌لریچه، قوروقچیلیک سبب، ایکین‌زارلری قوریب و جاری ییل‌ده کوپینچه حاصل قولگه کیلتیره آلمسلیکلری ممکن.
فاریاب ده‌گی دهقان‌لردن بیری حمید‌الله، اوشبو وضعیت خصوصیده خواطر بیلدیریب سلام‌وطندار گه ایتیشیچه، عایله خره‌جتی نی ایکینچیلیک و چاروه‌چیلیک یولی آرقه‌لی تامین‌له‌یدی؛ بیراق بو ییل قوروقچیلیک باعث، برچه حاصلاتی اورته‌دن کیتگن دیر.
حمید‌الله نینگ کوپه‌یتیریشیچه: «بو ییل بوغدای ایکدیک، اما برچه‌سی اورته‌دن کیتدی. قنده‌ی قیله‌یلیک. کوپینچه قیین‌چیلیگی‌میز بار. اوزیم ناگران، بو ییل بوغدای هم بولمه‌دی. اقتصادی قیین‌چیلیک سبب اوریم-ییغیم اوچون نفر هم آلالمه‌دیم. اوزیم بوغدای‌لر نی اوردیم. تورت یا-ده بیش ییل‌دن بیری قوروقچیلیک اوچون حاصلاتی‌میز کویه‌دی.»
بیزلرنینگ فیسبوک صحیفه‌میزگه باش اورینگ!
فاریاب ولایتی دهقان‌لریدن باشقه بیری ۶۵ یاشر تاج‌محمد نینگ ایتیشیچه، بو ییل ۵۰ هکتار ییر گه قریب ۲۰۰ سیر بوغدای اوروغی نی ایککن دیر؛ بیراق قوروقچیلیک سبب، کوپینچه زیان کورگن دیر.
تاج‌محمد نینگ کوپه‌یتیریشیچه: «قریب ۲۰۰ سیر بوغدای ایککن ایدیم، بیراق خدا بیله‌دی که ۵۰ سیر حاصل قولگه کیلتیره آله‌من می، یوق. چونکه برچه ایکینچیلیک حاصلاتیم کویدی که یالغیز قنچه قنار سمان قولگه کیلتیره‌من. پالیز اوچون اوچ مرته ییرلریمیز نی شدگار قیلدیک، بیراق قوروقچیلیک اوچون بو ییل پالیز هم بولمه‌‌یدی.»
باشقه بیر تامان‌‌دن، فاریاب ایکینچیلیک، سووغاریش و چاروه‌چیلیک ریاستی مسئوللری، اوتگن ییل‌لر گه قره‌گنده بو ییل قوروقچیلیک میزانی نی خواطرلنتیرووچی دیگنلر.
بیزلرنینگ توییترده هم تعقیب قیلینگ!
فاریاب ایکینچیلیک، سووغاریش و چاروه‌چیلیک ریاستی نینگ رواجلنتیریش بولیمی مدیری غلام فاروق نینگ ایتیشیچه: «قوروقچیلیک اوشبو ولایت یشاوچیلری نی تهدید قیله‌دی، چونکه برچه اهالی نینگ درآمدی ایکینچیلیک یولی آرقه‌لی دیر. قیغو بیلن بو یل قوروقچیلیک سبب، دهقان‌لریمیز گه کوپراق زیان ییتیشتیرگن.»
جناب فاروق نینگ کوپه‌یتیریشیچه، بو ییل اندخوی تورتله اولسوالیک‌لریده بوغدای حاصلاتی‌دن برچه‌سی و شیرین‌تگاب، دولت آباد، خواجه سبزپوش و المار تومن‌لری ایسه للمی بوغدای حاصلاتی‌دن ۹۰ فایزی اورته کیتگن؛ بیراق پشتونکوت، گرزیوان و کوهستان تومن‌لریده ایسه یامغیر میزانی یخشی بولگنی سبب، حاصلاتی ۶۰ فایز قانیقرلی دیر.
ایتیش کیره‌ک که، فاریاب ولایتی ییرلریدن کوپینچه‌سی للمی و اوشبو ولایت اهالی‌سیدن ۸۵ فایزی ایکینچیلیک و چاروه‌چیلیک بیلن شغللنگن و اوشبو یول آرقه‌لی عایله خره‌جتی نی تامین‌له‌یدیلر؛ بیراق مذکور ولایت‌ده تورت یا-ده بیش ییل‌دن بیری کیت‌مه-کیت قوروقچیلیک سبب، کوپینچه قیین‌چیلیک بیلن روپه‌ره‌لر.
