فاریاب ده بشر دوست خیریه جمغرمه مسئوللری نینگ سلام‌وطندار گه ایتیشلریچه، اوشبو ولایت قیصار تومنی نینگ اوزاق منطقه‌لریده، ۱۰ پروژه ایشینی بیتتیریب و فایده‌لنیشگه تاپشیرگنلر.
فاریاب ده بشر دوست خیریه جمغرمه باشلیغی حاجی عبدالرحمن بشردوست گه کوره، اوشبو پروژه‌لر مسجد، مدرسه قوریش، چقور قودوق قازیش، سوو کانالی و سرک قوریش دن عبارت دیر.
بیزلرنینگ فیسبوک صحیفه‌میزگه باش اورینگ!
جناب بشردوست نینگ ایتیشیچه، مذکور پروژه‌لر بیر ییل ایچیده ۸۰ مینگ امریکالیک دالر خرجت کوتاریب فایده‌لنیشگه تاپشیریلگن.
مذکور خیریه باشلیغی نینگ کوپه‌یتیریشیچه، اوشبو پروژه‌لر خرجتینی دستلبکی امکانیت لردن محروم قالگن آدم‌لر گه خدمت کورسه‌تیش اوچون، انسان پرور کیشی‌لردن ییققن.
فاریاب ولایتی قیصار تومنی حج و اوقاف باشلیغی مفتی عبدالغنی گه کوره، اوشبو قیشلاق‌لر نینگ یشاوچیلری بو پروژه‌لر گه نیازمند ایدیلر. او بشر دوست خیریه جمغرمه‌سی نینگ بو اقدامینی خوش قرشی له‌یدی.
بیزلرنینگ توییترده هم تعقیب قیلینگ!
اوتگن ۲۰ ییل ده برچه امکانیت‌لردن محروم قالگن قیصار تومنی یشاوچیلری، اوشبو نهاد نینگ بو آدیمیدن منتدارلیک بیلدیریب، بو گَل ایش‌لر دوام ایتیشینی سوره‌یدیلر.
