غزنی امنیتی و محلی منبع‌لری نینگ ایتیش‌لریچه، طالبان گروهی‌گه تیگیشلی بولگن جنگریلر ملی اردو بیر پوسته‌سینی سقوط بیریب و ۷ عسکرنی اولدیرگن.
غزنی ولایتیدن کیم‌لیگی سیرقالیش‌نی ایسته‌گن بیر منبع نینگ سلام‌وطندارگه ایتیشیچه، اوشبو رقم حربی‌لر اوتگن کیچه غزنی شهری نینگ «توحیدآباد» منطقه‌سیده اولدیریلگن‌لر. منبع‌گه کوره، مذکور حربی‌لر بیرینچیدن نفوذلی بیر کیشی تامانیدن زهرلنتیریلگن.
غزنی ولایتی کینگش عضوی حسن‌رضا یوسفی نینگ بو خبرنی تصدیق‌لب ایتیشیچه، طالبان نفوذلی بیر عضوی اوتگن کیچه غزنی شهری نینگ «توحیدآباد» منطقه‌سیده بیر پوسته‌گه بولگن دولتی عسکرلرنی زهرلنتیریب و اوندن سونگ اوققه توتگن. جناب یوسفی‌گه کوره، بو واقعه‌ده ملی اردو ۶ عضوی هلاک ایتیلگن.
باشقه تاماندن، غزنی ولایتیده ملی اردو ۳- لواسی سوزلاوچیسی علی شکاری نینگ ایتیشیچه، طالبان نینگ نفوذلی بیر عضوینی هجومی نتیجه‌سیده ملی اردو ایکی ۲ عضوی هلاک و باشقه ۵ عضوی یره‌لنگن. اونینگ ایتیشیچه، بوتوغریده تیکشیریش‌لر باشلنگن و نفوذلی کیشی قاچیب کیتگن.
طالبان گروهی بو واقعه مسوولیتی‌نی بوینیگه آلگن. اوشبو گروه سوزلاوچیسی ذبیح‌الله مجاهد نینگ توییتر صحیفه‌سیده یازیشیچه، بو واقعه‌ده ۷ حربی هلاک و بیرقطار قورال و اوق طالبان قولیگه توشگن.
