غزنی ده بوگون (۱۷-سنبله، دوشنبه)، اصلاح بولگن اوروغلرنینگ ایشلب چیقریش، پروسس قیلیش و ترقهتیش بیر کارخانه آچیلگن.
محلی رسمیلرنینگ ایتیشلریچه، اوشبو مرکز مذکور ولایتنینگ اقلیمی شرایطی بیلن ماس اوروغلر توغریسیدهگی دهقانلرنینگ نیازینی تامینلشی ممکن.
غزنی اصلاح بولگن اوروغلرنینگ امارتی کمپنیه آمری محمدعظیم هدایت گه کوره، مذکور فابریکه ۲۰ ایشلاوچی بیلن اوز فعالیتینی باشلهب و هر ساعتده اصلاح بولگن ایکی تُن بوغداینینگ پروسس قیلیش امکانیتیگه ایگه دیر. هدایتنینگ ایتیشیچه، بو مرکز قدیمی بیر بناده آچیلگن؛ لیکن یقینده رواجلنیشی ممکن.
مذکور کارخانهنینگ آچیلیش مراسمیده غزنی حاکمی سوزلاوچیسی عزتالله سعیدینینگ اورغولشیچه، بو کبی کارخانهلر دهقانلر نیازلرینی حل قیلیش و خودکفالیک اوچون کوپ اهمیتگه ایگه دیر. اونینگ کوپهیتیریشیچه، مذکور مرکزنینگ فعالیتی کوچهیشی بیلن غزنی، اصلاح بولگن اوروغلر بولیمیده خودکفالیککه ایریشیشی ممکن.
شوندهی بیرحالده، محلی دهقانلردن قطارینینگ ایتیشیچه، اوشبو ولایت اقلیمی بیلن ماس اصلاح بولگن اوروغلر یوقلیگی، اولرگه کوپ زیان ییتیشتیرگن. اولرنینگ ایشانچیگه کوره، مذکور فابریکهنینگ آچیلیشی کوپ و فایدهلی محصول قولگه کیلتیریش امکانیتینی یرهته آلهدی.
غزنی، افغانستاننینگ اساساً زراعتی ولایتلریدن بولیب، بوغدای، جواری، لوبیا و نخود اونینگ اصلی محصوللریدن حسابلنهدی.
