هندوستان نینگ قطار ایالت‌لریده اوتگن نیچه کون ده هوا ایسیق‌لیگی سبب، حاضرگه قدر ۳۳ کیشی هلاک بولگن.
هندوستان یېتکرمه‌لری نینگ معلوماتی اساسیده، ۱۱-جوزا، جمعه کونی اوشبو مملکت شمالی اوچ ولایتیده هوا ایسیق‌لیگی سبب کمیده ۳۳ فقرا جمله دن سیلاو مرکزلری خوفسیزلیک خادم‌لری هلاک بولگنلر.
بیزلرنینگ فیسبوک صحیفه‌میزگه باش اورینگ!
معلومات‌لر گه کوره، اوشبو کیشیلر هندوستان نینگ شمالی اوچ ایالتی بیهار، اوتار پرادیش و اودیشا ده قربان بولگنلر.
هندوستان اوشبو ییل یاز موسمیده اېنگ ایسیق‌لیکنی تجربه قیلماقده و ۳۰ میلیون جمعیتی بولگن ینگی دهلی ده کېتمه-کیت سۉنگی ایکّی کون ایچیده هوا درجه‌سی ۵۲.۳ سانتی‌گراد گه یېتگن.
هندوستان هواشناس‌لیک اداره‌سی، بو مملکت نینگ شرقی ده هوا ایسیق‌لیگی دوام تاپیشیدن آگاه‌لنتیرگن.
بیزلرنینگ «ایکس» ترماغی ده هم تعقیب قیلینگ!
مذکور مملکت دنیا بویلب گلخانه‌ای گاز ایشلب چیقرووچی اوچینچی مملکت سنله‌دی، بیراق ۲۰۷۰ ییل گه قدر بو گازلر مصرفی صفر گه یېتیشی کوتیله‌دی.
هندوستان گه قۉشیمچه پاکستان ده هوا درجه‌سی آشیب و اورمان‌لر آلاو آلیشی گه سبب بولگن و اۉتگن هفته بو مملکت ده هوا درجه‌سی ۵۲.۲ درجه سانتی‌گراد یېتگن.
