ینگی‌لیکده پاکستان یېتکرمه‌لری افغانستان باره‌سیده «منطقه‌وی تماس گروهی» تشکیل اېتیلیش ریجه، اوشبو گروه ده هندوستان نینگ حضوری گه پاکستان قرشی‌لیک قیلیشی طفیلی قیینچیلیک بیلن دوچ بولگنینی معلوم قیلگنلر.
اکسپرس تریبون کونده‌لیگی، پاکستان بو گروه ترکیبی ده هندوستان نینگ حضوری گه قرشی دیب یازگن. اوشبو کونده‌لیک نینگ یازیشیچه: «پاکستان هندوستان افغانستان‌ده ثبات نی ضعیف قیلیشیدن خواطر ده دیر.»
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لردن بیرقطاری نینگ ایتیشلریچه، منطقه‌وی تماس گروهی تشکیل اېتیلیشی افغانستان نینگ سیاسی قیینچیلیگی حل اېتیلیشی و اسلام امیرلیگی نینگ تن آلینیشی گه زمینه یره ته‌دی. اولر نینگ ایشانچی گه کوره، منطقه‌وی تماس گروهی ترکیبی‌ده هندوستان حضوری گه پاکستان نینگ قرشی‌لیگی، بو گروه تشکیل اېتیلیشی گه توسیق بوله آلمه‌یدی.
سیاسی ایش بیلرمان سیدمقدم امین گه کوره: «پاکستان منطقه ده امریکا نینگ استراتیژیک همکاری دیر؛ لېکن بو سیاسی حرکت‌لر سیاسی و جهانی رقابت‌لر گه باریب تقیله‌دی. مزاحم بولیشی ممکن بیراق بو جریان گه توسیق بولیشی ممکن‌سیز دیر.»
سیاسی ایش بیلرمان‌لردن باشقه بیری عزیز استانکزی نینگ ایتیشیچه، منطقه ده‌گی مملکت‌لر افغانستان وضعیتی گه دایر تماس گروهی تشکیل اېتیلیشینی محاکمه قیلماقده‌لر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «تماس گروهی ده هندوستان نینگ حضوری گه پاکستان قرشی‌لیک کورسه‌تیشی بو گروه تشکیل اېتیلیشی گه توسیق بوله آلمه‌یدی؛ پاکستان حکومتی ایچکی اېریم قیینچیلیک بیلن دوچ اېکن و پاکستان افغانستان نینگ ایچکی ایشلری گه اره‌لشه آلمه‌یدی.»
بوندن آلدین ایران نینگ افغانستان اوچون مخصوص وکیلی و ایلچیسی حسن کاظمی قمی، ایران افغانستان و منطقه ده ثبات مستحکم‌لنیشی اوچون منطقه‌وی تماس گروهی تشکیل اېتیلیش تکلیفینی بیرگن، بوندن مقصد اسلام امیرلیگی بیلن همکارلیک قیلیش و افغانستان خلقی اوچون یخشی شرایط یره‌تیش دیگن اېدی.