افغانستان خوفسیزلیگی توغریسیده اۉزبېکستان جمهور باشلیغینینگ تشقی سیاست ایشلری بوییچه مخصوص وکیلی و اوشبو مملکت ملی خوفسیزلیک مصلحتچیسی عبدالعزیز کاملوفنینگ بیاناتیدن سونگ، بیلرمانلر، ترورچیلیک و منطقهده خوفسیزلیک تشویشلر برچه اوچون قوشمه تهدید حسابلنهدی و اونی قوشمه کورهش و همکارلیک بیلن یینگیش کیرهک دیب ایشانهدیلر.
حربی ایش بیلرمان سید مقدم امین شوندهی دییدی: «ترورچیلیک منطقهده بویوک تهدید حسابلنهدی، شو باعث انده-سنده منطقه دولتلری بو بارهده خواطرلرینی بیلدیرهدیلر. بو ییردفاه ایکی کتته معم بار؛ بیرینچی اوشبو تهدیدلر گه قرشی کورهشده یگانه و عمومی قرهش حلی شکللنمهگن؛ ایکینچی ایسه امریکا و روسیه کبی ییریک دولتلر بو خواطرلردن اوز ریجه و استراتیژیکلرینی رواجلنتیریش یولیده فایدهلنیش دیر.»
شو بیلن بیرگه سیاسی ایش بیلرمان خلیلاحمد نادم گه کوره: «افغانستاندهگی برقرارلیک، مرکزی آسیا دولتلری منفعتیگه دیر، اگر افغانستانده تینچلیک و برقرارلیک بولسه، قوشنی و منطقهدهگی مملکتلر هم رواجلنهدی، چونکی بو مملکت دولتلر اورتهسینی باغلاوچی مهم نقطه حسابلنهدی.»
ینگیلیکده، اۉزبېکستان جمهور باشلیغینینگ تشقی سیاست ایشلری بوییچه مخصوص وکیلی و اوشبو مملکت ملی خوفسیزلیک مصلحتچیسی عبدالعزیز کاملوف، افغانستاندهگی خوفسیزلیک تشویشلر یقین شرقدهگی بیقرارلیکلر گه باغلیق و افغانستاننینگ منطقهدهگی خوف تهدیدلری یقین شرقدهگی ماجرالردن کیلیب چیقیشینی بیلدیرگن.
بو وضعیت، اوزبیکستان مهم منفعتینی خوف بیلن روپهره قیلگنینی قوشیمچه قیلگن، عبدالعزیز کاملوف.
او، بو سوزلرنی قویاش ۱۴۰۴ییل، ۳ دلو، جمعه کونی اوزبیکستاننینگ غزه صلح کینگشی گه نیمه دلیل قوشیلیش سوالی گه جواب اولهراق بیان قیلگن.
او شوندهی دیگن: «ایتیش ممکن اوزبیکستان باشقه مملکتلر بیلن بیر قطارده منطقهده اوزیگه خاص منفعتلر گه ایگه و اینگ مهملریدن بیری – اوز خوفسیزلیگینی تأمینلش دیر. اگر قوشنیمیز افغانستان گه قرهسک، یقین شرقدهگی اوروش باشلنیشیدن آلدین او ییرده هیچ قندهی خوفسیزلیک تشویشلر یوق ایدی، بیراق اوروش باشلنگچ، بو تهدیدلر قییردن تاپیلدی؟ اولر یقین شرقدن کیلدی.»
کاملوف، تشویشلر و موجود وضعیتنی باشقریش اوچون، دنیا و منطقه قدرتلری هماهنگ طرزده اقدام قیلیشی کیرهک دیب ایشانهدی.
افغانستان سونگی ییللرده دایمی روشده منطقهدهگی خوفسیزلیک تشویشلرنینگ مرکزیده بولیب کیلگن.
سونگی ییللرده قوشنی و منطقهدهگی دولتلر افغانستان حدودیدن کیلهدیگن خوفسیزلیک تهدیدلردن بیر نیچه بار خواطر بیلدیرگن، بیراق اسلام امیرلیگی هر دایم، افغانستان هیچ بیر منطقه اوچون تهدید ایمسلیگینی ایتگن.
