۲۷-سنبله، سه‌شنبه، جرمنی و اۉرته آسیا مملکت‌لر نینگ باشلیغ‌لری قزاقستان ده اۉتکزیلگن ییغیلیش ده، نیچه تامانلمه همکارلیکلر قیلیش مسئله‌لرینی بحث گه آلگنلر.
اوشبو ییغیلیش یکونیده‌‌گی بیانیه ده، افغانستان گه انسان پرورلیک یاردملر دوام اېتیشی گه تأکیدلنگن.
مذکور ییغیلیش دن ترقه‌لگن گزارش‌لر اساسیده، تورکمنستان، اۉزبېکستان و قزاقستان باشلیغ‌لری، دنیا اینیقسه جرمنی دن اسلام امیرلیگی بیلن همکارلیک قیلیشینی اېسته‌گنلر.
بیزلرنینگ فیسبوک صحیفه‌میزگه باش اورینگ!
تورکمنستان جمهور باشلیغی سردار بیردی محمدوف، سۉنگی کونلرده افغانستان بیلن قۉشمه تورت بویوک شرطنامه امضاله‌گن، دنیا مملکت‌لریدن ثباتلی افغانستان دن حمایت قیلیب و بو مملکت نی اقتصادی شریک‌لری اوله‌راق قبول قیلیش‌لرینی سوره‌گن.
بیلرمان‌لر، اۉرته آسیا مملکت‌لری اۉز اقتصادی منفعت‌لری اوچون دنیا نینگ افغانستان بیلن همکارلیک قیلیش گه ترغیب قیلماقده دیه ایشانه‌دیلر.
خلق‌ارا مناسبت‌لر بیلرمانی ولی فروزان نینگ ایتیشیچه: «اۉرته آسیا مملکت‌لری منبع و کان ذخیره‌لری اوچون دنیا بازاری گه اېلنیش گه اورینماقده‌لر و بو ایش اوچون افغانستان قیسقه و یخشی یول دیر؛ اولر بو ایش اوچون افغانستانده خوفسیزلیک تأمینلنیب و کوچلی حکومت تشکیل اېتیلیش طرفداری دیر.»
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان عتیق‌الله متین گه کوره، اۉرته آسیا مملکت‌لری اقتصادی غایه‌لری گه ایریشیش اوچون افغانستانده بوتکول خوفسیزلیک تأمین اېتیلیش طرفداری دیر. «افغانستان سودا و ترانزیت نقطه-نظریدن استراتیژیک نقطه دیر و اۉرته آسیا مملکت‌لری اوچون اهمیتلی دیر و اۉرته آسیا نی جنوبی آسیا بیلن باغله‌یدی؛ افغانستانده امنیت تأمین بولسه بو مملکت‌لر افغانستاندن فایده‌لنه دی و افغانستان ناتینچ‌لیگی اولر نینگ نقصی گه دیر.»
بیلرمان‌لردن بیرقطاری نینگ ایتیشلریچه، افغانستان حاضرگی انقراض دن قوتیلیشی اوچون اسلام امیرلیگی باشقه‌لر گه سوینمسدن بوتکول امنیت تأمین اېتیلیشی مقصدیده افغانستان ایچکی قیینیچلیک‌لرینی حل قیلیشی کېره‌ک.
سیاسی مسئله‌لر بیلرمانی عبدالشکور دادرس گه کوره: «اسلام امیرلیگی تن آلینیش شرایطی یره‌تیلیشی اوچون سعی-حرکت قیلیشی کېره‌ک و افغانستان بیلن قیسی مملکت همکارلیک قیلیشینی کوتیب تورمه‌سین؛ هر بیر مملکت اۉز منفعتی اوچون همکارلیک قیله‌دی.»
جرمنی باش وزیری اولاف شولتس، افغانستانده‌گی حاضرگی سیاسی احوال باعث اسلام امیرلیگی بیلن همکارلیک قیله آلمسلیگینی معلوم قیلگنی اېتیله‌دی.
