زابل یشاوچیلری نینگ ایتیشلریچه، اوشبو ولایت‌ده بیر قطار دکان‌دارلر تامانیدن تاریخی اوتگن ییگولیک ماده‌لر ساتیلیشی سبب، تورلی‌خیل کسل‌لیکلر گه چلینگنلر.
زابل مرکزی قلات شهری یشاوچیسی ۲۴ یاشر سمیع‌الله نینگ ایتیشیچه، نیچه مدت آلدین تاریخی اوتگن ییگولیک ماده نی آلیب و قوللنگنی سبب، کسل بولگن دیر. اونینگ کوپه‌یتیریشیچه: «اچ‌پایلوری کبی کوپینچه قیین‌چیلیکلر گه سبب بوله‌دی که بولردن برچه‌سی نینگ سببی، نامناسب و تاریخی اوتگن ییگولیک ماده‌لر نینگ قوللنیلیشی دیر. اوزیم نیچه مدت آلدین بو کبی نرسه‌لر نینگ آلیب ییگنیم سبب، ساغلیق قیین‌چیلیککه چلیندیم.»
بیزلرنینگ فیسبوک صحیفه‌میزگه باش اورینگ!
شونینگدیک قلات شهری یشاوچیلردن حسیب‌الله نینگ ایتیشیچه، دکان‌لر و دارو‌خانه‌لردن قطاریده، مشتری‌لر گه تاریخی اوتگن ییگولیک ماده و دارو ساتیله‌دی. او مسئوللردن بو توغریده جدی توجه قیلیشلری نی ایسته‌یدی. «تاریخی اوتگن ییگولیک ماده‌لر ساتیلیشی جمعیت زیانی گه دیر. دولت‌دن بو کبی ایشلر آلدی آلینیشی نی ایسته‌میز.»
باشقه بیر تامان‌دن، قلات شهریده دکان‌دارلردن قطاری، تاریخی اوتگن ییگولیک ماده‌لر ساتیلیشی سببی نی، دکان‌دارلر نینگ سواد‌سیزلیگی و تاریخی کم قالگن ییگولیک ماده‌لر نینگ دکان گه کیلتیریلیشی عنوان قیله‌دیلر.
اوشبو شهر‌ده‌‌گی دکان‌دارلردن لعل‌محمد نینگ ایتیشیچه: «بیلگنیمیز گه قدر، دکان‌دارلردن کوپینچه‌سی نینگ معلومات‌سیزلیگی دیر. اوقیب-یازیش نی بیلمه‌یدیلر و تاریخ گه قره‌مه‌یدیلر. عمده ساتووچیلر نینگ پرچون ساتووچیلر گه ترقه‌تیشی کبی، شونینگدیک اولر هم شو رقم ساته‌‌دیلر.»
عین حالده، زابل محلی مسئوللری، قلات ده تاریخی اوتگن ییگولیک ماده‌لر بارلیگی خصوصیده‌گی قیین‌چیلیک نی تصدیق‌لب؛ بیراق ایتیشلریچه، هر آلتی آی‌ده بیر مرته کمپاین‌لر نینگ یولگه قوییش آرقه‌لی، تاریخی اوتگن ماده‌لر نینگ توپلش و اورته‌دن کیتکزیش گه اقدام قیله‌دیلر.
بیزلرنینگ «ایکس» ترماغی ده هم تعقیب قیلینگ!
قلات شهریده لطیف‌الله لطیفی نینگ ایتیشیچه، تاریخی اوتگن ییگولیک ماده نی ساتیش سبب بیران کیشی قولگه آلینگنی صورت‌ده، جریمه بولیب و دکانی یاپیله‌دی. اونینگ کوپه‌یتیریشیچه: «تاریخی اوتگن نرسه‌لر نینگ توپلش قانونی بو رقم که، هر آلتی‌ده بیر مرته کمپاین یولگه قویه‌میز. اوتگن آلتی آی جریانیده ۱۵-۱۶ تُن ییگولیک ماده و بیر قطار نرسه‌لر نی اورته‌دن کیتکزدیک. بو عیب بیلن بیری نی قولگه آلگنی‌میز پیتده، جریمه قیلیب و دکانی‌نی یاپه‌میز.»
ایتیش کیره‌ک که، زابل یشاوچیلری گه علاوه، باشقه بیر قطار ولایت یشاوچیلر ایسه بو کبی قیین‌چیلیکلر بیلن روپه‌ره‌لر.
