ایران گه ایش تاپیش اوچون بارگن افغانستان‌لیک قاچقینلردن قطاری نینگ ایتیشلریچه، اسلام امیرلیگی نینگ قدرت گه ایریشگنی‌دن کیین، ایش‌سیزلیک سبب افغانستان نی ترک قیلگنلر.
اولر نینگ کوپه‌یتیریشلریچه، ایران پولیسی تامانیدن قولگه آلینیش‌دن قورقیب، یاشیرینچ شکلده ایشله‌یدیلر.
ایکی ییل‌دن بیری تهران ده جایلشگن بیر بناده ایشله‌یدیگن افغانستان‌لیک قاچقینلردن عبدالهادی نینگ ایتیشیچه، عایله نیازلری نی تامین‌لش اوچون سعی‌وحرکت قیلگنی بیرحالده، ایران پولیسی تامانیدن قولگه آلینیش خوفی، اونینگ تینچ‌لیگینی بوزگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «سونگی کونلر وضعیتیم یخشی ایمس، قورقوو بیلن ایشله‌یمن و نان آلیش اوچون بارگنیمده خوفسیزلیک کوچلری بولمه‌سین و مینی قولگه آلمه‌سینلر دیب هر تامان گه قره‌یمن.»
ایران ده‌گی افغانستان‌لیک قاچقینلردن باشقه بیری خالد نینگ ایتیشیچه، عایله خره‌جتینی تامین‌لش اوچون ایش اختریب مذکور مملکت گه باریش گه مجبور بولگن. «مجبورمیزکه ایشلسه‌ک، افغانستان ده ایش و درآمد یوق. ایران ده ایشلش گه مجبورمیز. ایران ده‌گی قاچقینلر حیات کیچریش خصوصیده کوپ قیین‌چیلیک بیلن روپه‌ره‌لر.»
شونده‌ی بیرحالده، خلق‌ارا قاچقینلر تشکیلاتی نینگ اعلام قیلیشیچه، میلادی ۲۰۲۰-ییل‌دن حاضرگچه قریب ۸ میلیون افغانستان‌لیک یشاوچی بو مملکت نی ترک قیلگن.
مذکور تشکیلات نینگ کوپه‌یتیریشیچه، بو آره‌ده بیر میلیون افغانستان‌لیک اروپایی مملکت‌لردن باش‌پنه ایزله‌گن و شونینگدیک اوشبو قاچقینلردن ۸۵ فایزی قوشنی مملکت‌لر گه کیتگن.
بیزلرنینگ فیسبوک صحیفه‌میزگه باش اورینگ!
بو تشکیلات گزارشی نینگ بیر بولیمی‌ده کیلیشیچه: «ایران گه مهاجرت قیلگن افغانستان‌لیک قاچقینلردن ۷۰ فایزی، بو تشکیلات گه ایتگنلر که، ایش فرصتلری یوقلیگی سبب اوز مملکتلری نی ترک قیلگنلر.»
عین حالده، اوتگن ییل بیر میلیون‌دن آرتیق افغانستان‌لیک یشاوچی ایران دن داوطلب‌لیک و جبری شکلده افغانستان گه قیتگن.
ایتیش کیره‌ک که، حاضر ایران رسمی‌لری نینگ بیاناتی کوره، بیش میلیون افغانستان یشاوچیسی مذکور مملکت‌ده مهاجر بولیب، ایریم پیتلرده زوره‌وانلیک، قولگه آلینیش و سوراق سوره‌لیش بیلن روپه‌ره بولگنلر.
