اسلام امیرلیگی نینگ قدرت گه ایریشگنی‌دن کیین، افغانستانلیک خبرچیلردن قطاری مهاجرت قضیه‌لری نینگ ایلگری آلیب کیتیش و اروپایی مملکتلر گه باریش مقصد ایران و پاکستان گه کیتگنلر. حاضر ایسه قریب اوچ ییل اوتگنی بیلن مذکور خبرچیلردن قطاری دوسیهلری نینگ تیکشیریلیش پروسه‌سی توخته‌گنی‌دن شکایت قیله‌دیلر.
ایران ده‌گی افغانستانلیک خبرچیلردن امید پویا، ویزاسی تمدید بولمسلیگی‌دن شکایت قیلیب و ایتیشیچه، اوشبو مملکت‌ده‌گی خبرچیلر ایش‌سیزلیک و اقتصادی قیین‌چیلیک بیلن روپه‌ره دیر. اونینگ کوپه‌یتیریشیچه: «خبرچیلر نینگ انتقال بیریش خصوصیده هیچ بیر امید‌وارلیک بیریلمه‌یدی؛ خبرچیلر اونوتیلگن؛ ۸۰ خبرچی ایران ده کیس‌‌لری نینگ کوتیب تورگنلر، ویزالری تورت مرته‌دن کیین تمدید بولمه‌یدی؛ انه شوو سبب ناقانونی دییلیب و جوابگرلیک آستیده قرار تاپه دیلر.»
بیزلرنینگ «ایکس» ترماغی ده هم تعقیب قیلینگ!
شونینگدیک ایران ده‌گی افغانستانلیک خبرچیلردن باشقه بیری صنوبر صدیقی نینگ ایتیشیچه: «یامان بیر شرایط گه‌میز؛ بیزلر گه آلتی‌دن بیر ییل‌گچه سوز بیریلگنی بیرحالده، کیس‌لریمیز ایشی سیکین بیر شکلده ایلگری کیته‌دی.»
پاکستان ده‌گی افغانستانلیک خبرچیلردن صادق نینگ ایتیشیچه، خبرچیلر دوسیهلری ایشی نینگ سیکین‌لیگی یا-ده توخته‌تیلگنی سبب، اقتصادی قیینچیلیکلر بیلن روپه‌ره‌لر. اونینگ کوپه‌یتیریشیچه: «خبرچیلر برابریده ایش قیین‌چیلیکلری کوپ دیر؛ بیزلر گه رخصت بیرمه‌یدیلر و ایش جوازی یوق دیه‌دیلر؛ پولیس هم شدتلی بیر شکلده بیزلرنی تعقیب قیله‌دی؛ قاچقینلردن ۸۰ فایزی ویزاسیز دیر و انه شوو سبب تشقریگه چیقه آلمه‌یدیلر.»
افغانستانلیک خبرچیلردن حمایت قیله‌دیگن تشکیلات، ینگی‌لیکده بیر اعلامیه آرقه‌لی ایران و پاکستان ده‌گی افغانستانلیک خبرچیلر برابریده‌گی قیینچیلیکلر و وضعیت‌لری خصوصیده خواطر بیلدیریب و اونی امیدسیزلیک عنوان قیلگن.
بیزلرنینگ فیسبوک صحیفه‌میزگه باش اورینگ!
اوشبو تشکیلات نینگ کوپه‌یتیریشیچه، باشقه مملکتلر گه باریش نی کوتیب تورگن افغانستانلیک خبرچیلر، مذکور مملکت‌لرده اقتصادی قیینچیلیکلر و قانونی تعقیب‌لر نی چیده‌یدیلر. بو نهاد اعلامیه‌سی نینگ بیر بولیمی‌ده کیلیشیچه: «ایران و پاکستان ده‌گی خبرچیلر، خبرچیلردن حمایت قیلووچی تشکیلات بیلن کیت‌مه-کیت تماسلر بیلن، غربی مملکتلر گه چیقریلیش پروسه‌سی نینگ توخته‌گنی و اولر نینگ یامان بیر وضعیت‌ده قرار تاپگنلری نی ایتگنلر. اوچینچی مملکت‌لرده هم اقامت ویزالری تمدید بولمه‌ی و هیچ قنده‌ی اقتصادی و بشری حمایت گه ایگه ایمسلر.»
افغانستانلیک خبرچیلردن حمایت قیله‌دیگن تشکیلات، ییتکرمه‌لردن حمایت قیله‌دیگن نهادلر و مملکتلردن ایران و پاکستان ده افغانستانلیک خبرچیلر نینگ سراسیمه گه توشیشدن قوتقریش اوچون، عملی اقدام‌لر نینگ انجام بیریشلرینی ایسته‌گن.