اوتگن ایکی ییل جریانیده اوچینچی مملکت گه انتقال تاپیش اوچون ایران و پاکستان مملکت‌لری گه کیتگن افغانستان‌لیک خبرچیلر نینگ ایتیشلریچه، حجتلری نینگ تیکشیریلیشی خصوصیده هیچ قنده‌ی امیدلری یوق دیر.
ایران و پاکستان ده‌گی افغانستان‌لیک خبرچیلردن قطاری، یامان اقتصادی وضعیت، حجتلری نینگ تیکشیریلیش پروسه‌سی توخته‌تیلگنی و مذکور مملکتلر پولیسی آرقه‌لی قولگه آلینیش خوفی خصوصیده خواطر بیلدیریب ایتیشلریچه، افغانستان گه قیتیش خصوصیده هم قورقه‌دیلر.
ایران ده حیات کیچیره‌دیگن افغانستان‌لیک خبرچیلر نینگ ایتیشلریچه، حاضر ایسه ۸۰دن آرتیق خبرچی نامعلوم تقدیرده قرار تاپیب و اوشبو مملکتدن چیقریلیش خوفی بیلن حیات کیچیرماقده.
بیزلرنینگ «ایکس» ترماغی ده هم تعقیب قیلینگ!
ایران ده حیات کیچیره‌دیگن خبرچیلردن مقبول نوری نینگ سلام‌وطندار گه ایتیشیچه: «ایران گه کیلگنیم‌دن بیر ییل‌دن کوپ بولگن، کیسلری‌میز نینگ ایشی کوپ سیکین پیش کیته‌دی، ویزالریمیز نینگ وقتی هم اوتگن، ناقانونی شکلده حیات کیچیره‌میز، ایران‌لیک یشاوچیلری نینگ یانده‌شیشلری سونگی کونلرده یامان بولگن، اقتصادی قیین‌چیلیکلریمیز هم بار و ایش هم یوق.»
شونینگدیک ایران ده‌گی خبرچیلردن باشقه بیری آصف اکبری نینگ ایتیشیچه: «ایش قیلیش گه رخصت بیریلمه‌یدی، کوتیب توریش قیین دیر. ویزالری وقتی بیتگن کیشی‌لر نینگ هر دقیقه قولگه آلینیشلری ممکن. سونگی کونلر مهاجرلر برابریده قیین‌چیلیکلر کوپه‌یگن، خبرچیلر وضعیتی یامان دیر. هیچ بیر نهاد اولر گه یاردم بیرمه‌گن. افغانستان گه قیتگنلری پیتده هم خوفسیزلیک قیین‌چیلیکلر بیلن روپه‌ره بوله‌دیلر.»
باشقه بیر تامان‌دن، پاکستان ده‌گی افغانستان‌لیک خبرچیلردن قطاری، باش‌پنه حجتلری نینگ تیکشیریلیش خصوصیده‌گی قیین‌چیلیکلر حل بولمه‌سلیگی‌دن خواطرده‌لر.
شونده‌ی بیرحالده، پاکستان ده‌گی افغانستان‌لیک خبرچیلر نینگ ایتیشلریچه، مذکور مملکت گه مهاجر بولگنلریدن بیر ییل‌دن اوتگن بیراق ایش فرصت‌لری یوقلیگی، اولر نینگ اقتصادی قیین‌چیلیکلر بیلن روپه‌ره قیلگن.
پاکستان ده‌گی افغانستان‌لیک خبرچیلردن ایمل حبیبی نینگ سلام‌وطندار گه ایتیشیچه: «کوپینچه قیین‌چیلیکلر بیلن روپه‌ره‌میز، حاضرگچه هیچ قنده‌ی بیر آسایشته‌لیک ایجاد بولمه‌گن، ویزالری تمدید بولمه‌سلیگی، پاکستان دولتی نینگ نادرست یانده‌شووی و ایش‌سیزلیک بیزلر نینگ قیین‌چیلیکلر بیلن روپه‌ره قیلگن.»
شونینگدیک پاکستان ده‌گی مهاجرلردن باشقه بیری حامد پیکار نینگ ایتیشیچه: «افغانستان‌دن چیقگنیم‌دن بیر ییل‌دن آشدی، بیزلر نینگ باشقه مملکتلر گه انتقال بیره‌دیگن نهاد‌لر ایشی سیکین شکلده پیش کیته‌دی. چیقریلیش موضوع‌سی بیزلر نینگ خواطرلنتیرگن و قیته یوباریلیش موضوع‌سی ایسه بیزلر گه قیین‌چیلیک یره‌تیشی ممکن.»
بیزلرنینگ فیسبوک صحیفه‌میزگه باش اورینگ!
اسلام‌آباد ده «افغانستان‌لیک مهاجر خبرچیلر» رهبری عضوی هادی غفاری نینگ ایتیشیچه، مذکور نهاد نینگ معلوماتی اساسیده، حاضر ایسه پاکستان ده ۲۰۰ افغانستان‌لیم خبری باش‌پنه حجتلری نینگ تیکشیریلیشی نی کوتیب تورگن.
عین حالده، اوتگن کون ایران ایچکی ایشلر وزیری بیللی بیر وقت تعیین قیلمه‌سدن، اوشبو مملکتدن ناقانونی افغانستان‌لیک مهاجرلر نینگ چیقریلیشی نی اعلام قیلگن.
ایتیش کیره‌ک که، بوندن آلدین پاکستان ایچکی ایشلر وزیری مذکور مملکت‌ده‌گی افغانستان‌لیک مهاجرلر نینگ پاکستان نی ترک قیلیشلری اوچون اوشبو ییل نوامبر آیی نینگ بیرینچی کونی گه قدر وقت بیرگن ایدی.