ایران کرمانشاه تشقی فقرالر و قاچقینلر ایشلری بوییچه مدیری ینگی‌لیکده افغانستان‌لیک ناقانونی قاچقینلر قولگه آلینیشی و چیقریلیش طرح عملگه آشیریلیشیدن خبر بیریب ایتیشیچه، اولر نینگ برچه‌سی ایران دن چیقریله‌دی.
ایران ایسنا آژانسی، اۉتگن کون کرمانشاه تشقی فقرالر و قاچقینلر ایشلری بوییچه مدیری حمزه سلیمانی دن نقل قیلیب، بو طرح نینگ هر باسقیچینی عملگه آشیریش، کمیده اوچ کوندن ایکّی هفته‌گچه دوام تاپیشینی معلوم قیلگن.
عین‌حالده، ایران ده افغانستان‌لیک ناقانونی قاچقین‌لردن بیرقطاری نینگ ایتیشلریچه، سۉنگی کون‌لرده قولگه آلینیش، چیقریلیش دن قورقیب یاشیرینچ شکلده یوریدیلر.
اولر ایران دولتیدن، افغانستان‌لیک مدرک‌سیز قاچقینلر نینگ جبردن چیقریلیش جریانینی توخته‌تیشنی اېسته‌یدیلر.
ایران ده افغانستان‌لیک قاچقین‌لردن محب‌الله نینگ ایتیشیچه: «مدرک‌سیز قاچقینلر عایله اعضالری نینگ نفقه‌سینی تامینلش اوچون ایشله‌یدیلر، اولر نینگ جبردن چیقریش جریانینی توخته‌تسین‌لر.»
بیزلرنینگ فیسبوک صحیفه‌میزگه باش اورینگ!
ایران ده افغانستان‌لیک قاچقین‌لردن باشقه بیری جان‌آغا گه کوره: «بیز گه مدرک بیریلیشینی اېسته‌یمیز و بو ییرده زندانی کبی‌میز و تشقری چیققن حالده قولگه آلیب و چیقره‌دیلر.»
هر کونی هرات و نیمروز ولایت‌لری چېگره‌لری آرقه‌لی مینگلب قاچقین اۉز اختیاری یا که جبری شکلده افغانستان گه قیته‌دیلر.
بیرلشگن ملتلر تشکیلاتی نینگ انسان پرورلیک یاردم‌لرنی هماهنگ قیلووچی اداره‌سی (اوچا)، ینگی‌لیکده میلادی اوشبو ییل باشله‌نیشیدن حاضرگه قدر ایران دن ۸۲ مینگ ۹۰۰ قاچقین افغانستان گه قیتگن و اولر نینگ ۴۳ فایزینی باله‌لر تشکیل بیریشینی معلوم قیلگن.
اوچا نینگ کوپه‌یتیریشیچه، ایران دن قیتگن افغانستان‌لیک قاچقینلر نینگ رقمی میلادی اۉتگن ییل گه نسبتن ۲۰ فایز آشگن.
هرات یشاوچیسی رحیمی، اوچ ییل آلدین ایش اوچون ناقانونی شکلده ایران گه بارگن اېدی ایتیشیچه، قانونی مدرکی یوق‌لیگی طفیلی جبری شکلده ایران دن چیقریلگن.
بیزلرنینگ «ایکس» ترماغی ده هم تعقیب قیلینگ!
اونگه کوره: «ایشخانه دن چیقدیک، مدرک یوق‌لیگی اوچون پولیس بیزنی قولگه آلدی، اوچ کون یاتاقخانه ده اېدیک و قییناق‌لندیک و بیزنی جبردن چیقردیلر.»
اۉتگن کون هرات ده اسلام‌قلعه چېگره‌سی آرقه‌لی جبری شکلده افغانستان گه قیتگن یما، سرپرست حکومت‌دن یاش‌لر ناقانونی مهاجر بولمسلیگی اوچون اولر گه ایش زمینه‌سی یره‌تیلیشینی اېسته‌یدی.
اونینگ کوپه‌یتیریشیچه: «اسلام امیرلیگی دن اهالی گه ایش زمینه‌سی یره‌تیلیشینی اېسته‌یمیز مملکتده ایش زمینه‌سی یره‌تیلسه ایش اوچون چیت ایل گه باریش گه احتیاج قالمه‌یدی.»
اسلام قلعه چېگره‌سیده قاچقینلر ایشلری بوییچه چېگره آمری عبدالله قیومی گه کوره، قویاش اۉتگن ییل ده، ایران دن یریم میلیون دن آرتیق قاچقین جبری و اۉز اختیاری بیلن مملکت گه قیتگنلر.
او ایران دولتیدن ناقانونی قاچقینلر نینگ جبری چیقریش جریانینی توخته‌تیشنی سۉره‌یدی. «قاچقینلر بیلن یخشی یانده‌شیب و قاچقین حقوقینی رعایت و خلق‌ارا کنوانسیون‌لر اساسیده قاچقینلر نینگ حقوقی رعایت اېتیلیشینی اېسته‌یمیز.»
بیرلشگن ملتلر تشکیلاتی نینگ قاچقینلر ایشلری بوییچه عالی کمیشنری نینگ معلوماتی اساسیده، حاضرگی کونده افغانستان‌لیک ۴.۵ میلیون قاچقین ایران ده حیات کېچریب کېیلماقده و اولر انده-سنده فزیکی زوره‌وانلیک‌لر گه روپه‌ره بوله‌دیلر.
