تورکیه جمهور باشلیغی رجب طیب اردوغان، اوتگن کیچه کیچ قورون اکس صحیفهسیده بیر بیانیه ترقهتیب، منطقه ده برقرار تینچلیک تامینلنیشی و توقنشوولرنینگ تیزلیککه توختهتیلیشیگه تاکید قیلگن.
اردوغان، اوشبو بیانیهده ایتیشیچه، تورکیه تینچلیک طرفداری بولیب و توقنشوولر یکونلنیشینی ایستهیدی. اونینگ کوپهیتیریشیچه، منطقه باشقه هر وقتگه قرهگنده ییللر آرزوسیده بولگن برقرار تینچلیککه نیازی بار، اینیقسه مبارک رمضان آییده اوروش و کیسکینلیکنینگ دوام ایتیشی قبول قیلینمهیدی. «بیز صلح طرفداریمیز و قان آقیشینینگ توختهتیلیشینی ایستهیمیز. مبارک رمضان آییده اینیقسه قوشنیلیگیمیزده اوروش و کیسکینلیکنینگ ایستمهیمیز.»
تورکیه جمهور باشیغی، ایران گه قرهتیلگن ناقانونی هجوملرگه مناسبتینینگ شوندهی بولگنینی بیان قیلیب و کوپهیتیریشیچه: «اولویتیمیز آتیش کیسین برقرارلنیشی و مذاکرهلری یولی آچیلیشی دیر.»
شونینگدیک بیانیهده کیلیشیچه، کیرهکلی ارهلشوو بولمهگنی صورتده، آتیشمه جریانی منطقه و دنیا امنیتی اوچون جدی عاقبتلرگه سبب بولیشی ممکن.
امریکا و اسرائیل، ۹-حوت، ایران گه قرشی قوشمه هجوملرینی باشلهگنلر که اونینگ جریانیده ایران رهبری سیدعلی خامنهای و بو مملکتنینگ حربی و سیاسی ییریک رسمیلریدن قطاری اولگن. شونینگدیک ایران مذکور هجوملرگه قرشی، اورته شرقده امریکا پایگاهلریگه قرشی قصاص آلیش هجوملری تولقینینی باشلهگن.
