تورکیه دولت رهبری، قزاقستان پایتختی آستانه ده، تورک دنیاسی نینگ تینچلیگی، رفاهی و خوفسیزلیگی اوچون سعی‌وحرکت قیله‌یاتگن‌لرینی معلوم قیلدی.
تورکیه جمهور باشلیغی رجب طیب اردوغان، قزاقستان پایتختی آستانه ده، تورک دولت‌لری تشکیلاتی رهبرلری نینگ ۱۰- ییغیلیشی ده، تورکیه تورک دنیاسی نینگ تینچلیگی، رفاهی و خوفسیزلیگی اوچون سعی‌وحرکت قیله‌یاتگنینی ایتدی.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «اوشبو ییل ده تورکیه نینگ ۱۰۰-مستقل‌لیک ییلینی کوتیب آلگن جمهور باشلیغ اوله‌راق، تورک دنیاسی نینگ تینچلیگی، رفاهی و خوفسیزلیگی اوچون تلاش قیله‌یپمیز.»
شونینگدیک او، مذکور ییغیلیش ده غزه گه اسرائیل نینگ ییر و هوا دن هجوم‌لری حقیده گپیریب، ۷-اکتوبر دن بیری غزه ده‌گی واقعه نی بهانه قیلیب، اوشبو وحشت نی توشینتیریب بیره‌دیگن هیچ بیر اصطلاح یوق دیدی.
اونگه کوره، غزه ده ۲۸ کوندن بیری بشریت گه قرشی جنایت آیدین و آچیق شکلده دوام ایتماقده.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، قزاقستان پایتختی آستانه ده تورک دولت‌لری تشکیلاتی رهبرلری نینگ ۱۰- ییغیلیشی ۱۱ و ۱۲-عقرب بولیب اوتگن.
اوشبو ییغیلیش ده رهبرلر، تشکیلات دایره‌سیده اوز ارا همکارلیک‌لر نینگ کوچه‌یتیریلیشی و مناسبت‌لرینی مستحکم‌لش توغریسیده‌گی فعالیت‌لری حقیده گپیرگنلر.
تورک دولت‌لری تشکیلاتی نوبتده‌گی رئیس‌لیگی اوزبیکستان دن قزاقستان گه اوتگن. اوزبیکستان تورکیه بیلن بیرگه دنیا نینگ اینگ ییریک تورکی زبان ایکی دولت‌لریدن حسابلنه‌دی.
