تورکیه جمهور باشلیغی رجب طیب اردوغان، ریاضده سعودی عربستان ولیعهدی محمد بن سلمان بیلن اوچرهشیب، ایکی مملکت اورتهسیدهگی مناسبت اینیقسه منطقهوی مسئلهلر حقیده بحث ایتگن.
تورکیه ییتکرمهلرینینگ معلوماتیگه کوره، اوشبو مملکت جمهور باشلیغی سعودی عربستان ولیعهدی بیلن اوچرهشوده، تورکیه و سعودی عربستان اورتهسیدهگی اقتصادی علاقهلر مستحکملنیشی، برق، مدافعه صناعتی، منطقه همده دنیا بوییچه مسئلهلر حقیده بحث ایتگن.
بو اوچرهشوو اردوغان جنابلری، سوریهده دایمی برقرارلیک تأمین ایتیلیشی اوچون انقرهنینگ سعی-حرکت قیلهیاتگنیدن ایشانچ بیریب و سعودی عربستان بیلن قوشمه شکلده، تورلی ساحهلرده سوریهنی قیته قوریش اوچون یاردملریگه دوام ایتتیریش گه تأکید ایتگن.
سونگی ییللرده بو ایکی مملکت اقتصای و سیاسی ساحهلرده مناسبتلرینی کینگهیتیرگن بیرحالده، اردوغان و محمد بن سلمان اوچرهشگن.
تورکیه جمهور باشلیغی سعودی عربستان دن کیین، بوگون مصر گه باریشی کوتیلهدی.
تورکیه دولت رهبری رجب طیب اردوغان، ۱۴ دلو / ۳ فبروری، سهشنبه کونی تورموش اورتاغی امینه اردوغان و اوشبو مملکت تشقی ایشلر وزیری هاکان فیدان و بیرقطار ییریک رسمیلر بیلن سعودی عربستان گه باردی.
