سوو و برق وزیرلیگی نینگ ایتیشیچه، مملکت باش وزیرلیگی گه یوباریلگن ریجه اساسیده، یشش اوی‌لرده‌گی ایچیملیک قودوق‌لر گه میتر قوندیریله‌دی، اوی ایگه‌لری سوونی کوپ صرفله‌گن تقدیرده، پول توله‌یدیلر. اوشبو ریجه اساسیده، سوو قودوق‌لرینی اوز باشیمچه‌لیک قزیلیشی منع ایتیله‌دی.
سوو و برق وزیرلیگی سوزلاوچیسی اخترمحمد نصرت نینگ سلام‌وطندار گه ایتیشیچه، اوشبو ریجه سرپرست حکومت کابینه‌سی تامانیدن تصدیقله‌نیشیدن کیین عملی بوله‌دی.
اونگه کوره: «اوشبو وزیرلیک ییر آستیده‌گی سوولر باشقریلیش ریجه‌نی مملکت باش وزیرلیگیگه یوبارگن، تصدیقلنیشیدن کیین هیچ کیمگه قودوق قزیش گه رخصت بیریلمه‌یدی و شونینگدیک قودوق‌لر گه میتر قوندیریله‌دی، کوپ صرفله‌گن تقدیرده، یشش اوی‌لر نینگ ایگه‌لری پول توله‌یدیلر.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بیری عزت‌الله نینگ ایتیشیچه، اولکه یشاوچیلری نینگ اقتصادی قیینچیلیگی گه قره‌گنده، ایچیملیک قودوق‌لر نینگ سووی گه پول توله‌ی آلمه‌یدیلر.
عزت‌الله نینگ کوپه‌یتیریشیچه: «ایش‌سیزلیک کوپه‌یگن و آدم‌لر اقتصادی قیینچیلیک بیلن روپه‌ره و ایچیملیک سوو پولینی توله‌ی آلمه‌یدیلر.»
کابل یشاوچیلریدن باشقه بیری فیض‌محمد گه کوره، اهالی اوشبو ریجه‌نی قبول قیلمه‌یدی و اولر سوو قودوق‌لری اوچون پول توله‌ی آلمه‌یدیلر. اونینگ ایتیشیچه: «آدم‌لر بو ریجه‌نی قبول قیلمه‌یدی و ایچیملیک سوو اوچون پول تولشگه قادر ایمس‌لر.»
بیزلرنینگ توییترده هم تعقیب قیلینگ!
عین‌حالده، سوو و برق ایش بیلرمان‌لریدن بولمیش سیدحسیب اصغر نینگ ایتیشیچه، یشاوچیلر نینگ سووینی تأمینلش حکومت نینگ وظیفه‌سی دیر و کابل شهری ده اسلامی امارت نینگ سوو اوچون پول تولش ریجه‌سی ناقانونی دیر.
بوندن آلدین سوو و برق وزیرلیگی، پایتخت کابل شهری ده سوو تنقیص‌لیگینی حل ایتیش اوچون کابل نینگ للندر تنگه‌سی و پنجشیر دریاسیدن سوو انتقال بیریلیش ایکی بویوک پروژه ایشی، باشله‌نیشینی ایتگن ایدی.